“სევილია”-“ბარსელონას” შეხვედრა, შესაძლოა, არგენტინელების გარეშე ჩატარდეს

იმ შემთხვევაში, თუ არგენტინის ნაკრები მსოფლიო ჩემპიონატის შესარჩევი ეტაპის ფლეი ოფში მოხვდა, ესპანეთის ჩემპიონატის მე-11 ტურის შეხვედრა, რომელშიც ერთმანეთს “სევილია” და “ბარსელონა” დაუპირისპირდებიან, არგენტინელი ფეხბურთელების გარეშე ჩაივლის. ამ ინფორმაციას AS ავრცელებს.

ფლეი ოფის პირველი შეხვედრა 8 ნოემბერსაა დანიშნული და ის ახალ ზელანდიაში გაიმართება. ნაკრებში გამოძახებულ ფეხბურთელებს მოუწევთ ეროვნულ გუნდს თამაშამდე რამდენიმე დღით ადრე შეუერთდნენ. იმის გათვალისწინებით, რომ “სევილია” და “ბარსელონა” 5 ნოემბერს ითამაშებენ, დიდი ალბათობით, არგენტინელი ლეგიონერები ამ შეხვედრაში მონაწილეობას ვერ მიიღებებ.

საუბარია არა მხოლოდ ლიონელ მესისა და ხავიერ მასკერანოზე, არამედ ევერ ბანეგაზე, ხოაკინ კორეაზე, გვიდო პისაროსა და გაბრიელ მერკადოზე.