“ბარსელონამ” ლა ლიგის 34-ე ტურის მატჩში “ოსასუნა” გაანადგურა, ანგარიშით 7:1. შეხვედრის 65-ე წუთზე დენის სუარესი მეტოქის საჯარიმოში დაეცა და არბიტრმა თერთმეტმეტრიანი დანიშნა, რომელიც ხავიერ მასკერანომ ზუსტად შეასრულა.
ეს, ლა ლიგის მიმდინარე გათამაშებაში “ბარსელონას” მე-100 გოლი აღმოჩნდა, მატჩის მიწურულს კი კატალონიელებმა კვლავ გაიტანეს (101). ამ მაჩვენებლით მადრიდის “რეალი” “ბლაუგრანას” საგრძნობლად ჩამორჩება.
საინტერესოა, რომ მასკერანოს “ბარსელონას” მაისურით პირველი გოლის გასატანად 319 მატჩი დასჭირდა.



