ხუთშაბათს კატალონიური კლუბის ფეხბურთელებმა – პუიოლმა, რონალდინიომ და მესიმ, მიიღეს FIFPRO-ს პრიზები, როგორც 2006-07 წლების სეზონის World Eleven-ის სიმბოლური ნაკრების წევრებმა. ფეხბურთელების დაჯილდოვების ცერემონია “ნოუ კამპის” საკონფერენციო დარბაზში შედგა.
57000-ზე მეტმა ფეხბურთელმა აირჩია მესი, რონალდინიო და პუიოლი ამ სიმბოლური ნაკრების წევრებად, გამოკითხვა კი პროფესიონალ ფეხბურთელთა საერთაშორისო ფედერაციამ ჩაატარა. დაჯილდოვების ცერემონიალში ასევე მონაწილეობდნენ კლუბის დირექტორი ალბერტ პერინი, FIFPRO_ს გენერალური მდივანი თეო ვან სეგელენი, ასევე ესპანეთის ფეხბურთის ასოციაციის გენერალური მდივანი ალბერტო ლოპესი.
აღნიშნულ ჯილდოზე კატალონიურ კლუბს ყველაზე მეტი, 10 პრედენდენტი ჰყავდა წარდგენილი: პუიოლი, რონალდინიო, მესი, აბიდალი, ძამბროტა, დეკუ, ინიესტა, ჩავი, ეტო’ო, ანრი.
რაც შეეხება მთლიან სიმბოლურ ნაკრებს, იგი ასე გამოიყურება:
ბუფონი (იუვენტუსი) – ტერი (ჩელსი), კანავარო (რეალი), პუიოლი (ბარსელონა), ნესტა (მილანი) – კრიშტიანო რონალდუ (მანჩესტერი), ჯერარდი (ლივერპული), კაკა (მილანი) – მესი (ბარსელონა), დროგბა (ჩელსი), რონალდინიო (ბარსელონა)
“მილანის” ბრაზილიელი ნახევარმცველი, კაკა კი დაასახელეს სეზონის საუკეთესო ფეხბურთელად.
წყარო: www.barcamania.ru
პუი მესიი რონალდინჰო…. აბა რაააა…..