“სევილიას” მწვრთნელმა, ხორხე სამპაოლიმ წარსულში გაკეთებული განცხადება გაიხსენა. ანდალუსიური კლუბის თავკაცმა თქვა, რომ ლიონელ მესისთან ერთად მუშაობა სურს. “ყოველთვის მსიამოვნებს მესის დანახვა, რადგან საუბარია მსოფლიოს საუკეთესო ფეხბურთელზე. ვთქვი, რომ მასთან ერთად მუშაობა მსურს. ალბათ, ლიონელს “ნიუელს ოლდ ბოისში” გავწვრთნი, ან “სევილიაში” თუ, რა თქმა უნდა, აქ გადმოსვლას მოინდომებს.”-ამბობს სამპაოლი.
როგორც იცით, ლეო მესიმ “ნიუელს ოლდ ბოისში” კარიერის დასრულების სურვილი არაერთხელ გამოთქვა. დღეს, “სევილია” და “ბარსელონა” ერთმანეთს დაუპირისპირდებიან.



