“არსენალის” მთავარმა მწვრთნელმა, არსენ ვენგერმა განაცხადა, რომ 2013 წელს, “ბარსელონას” თავდამსხმელი, ლუის სუარესი, რომელიც იმჟამად “ლივერპულის” ღირსებას იცავდა, ლონდონურ კლუბში გადასვლასთან ახლოს იყო.
“სუარესი კონტრაქტის გაფორმებასთან ძალიან ახლოს იყო. ჩვენ ფეხბურთელთან შეთანხმება გვქონდა. მაგრამ მის კონტრაქტში გამოსასყიდი თანხის გადახდის პირობა იყო. კლუბმა გადაწყვიტა, რომ ის არ გაეშვა.
მე დარწმუნებული ვიყავი, რომ მას ჩვენთან გადმოსვლა სურდა. მაგრამ მათ ურუგვაელი კიდევ ერთი წლით შეინარჩუნეს, კონტრაქტის პირობები გაუუმჯობესეს და დაპირდნენ, რომ შემდეგ, უცხოურ კლუბში გაყიდდნენ.” – განაცხადა ვენგერმა.
