“ნიუ-იორკ სიტის” ნახევარმცველმა, ანდრეა პირლომ განაცხადა, რომ “ბარსელონას” ექს-მწვრთნელმა და “მანჩესტერ სიტის” ამჟამინდელმა დამრიგებელმა, ხოსეპ გვარდიოლამ 2010 წელს ის კატალონიურ კლუბში მიიწვია.
“როდესაც “მილანში” ვიყავი, ჩვენ “კამპ ნოუზე” ამხანაგური მატჩი ვითამაშეთ, მის შემდეგ კი პეპ გვარდიოლამ თავის კაბინეტში მიმიწვია. მან მკითხა, მსურდა თუ არა “ბარსელონაში” თამაში. ეს ძალიან სასიამოვნო იყო, რადგან მის ოფისში ასვლა მთხოვეს და “ბარსას” ინტერესზე მითხრეს. მაგრამ მაშინ “მილანი” ჩემს გაშვებას არასდროს დაუშვებდა.” – განაცხადა პირლომ.



