კატალონიის “ბარსელონას” ბრაზილიელმა ფორვარდმა, ნეიმარ ჟუნიორმა ესპანეთის ჩემპიონატზე ისაუბრა და აღნიშნა, რომ ტურნირი ევროპაში საუკეთესოა.
“ვფიქრობ, რომ პრიმერა დივიზიონი ევროპაში საუკეთესო ჩემპიონატია. ბოლო 3 წელიწადში ესპანურმა გუნდებმა ყველა საერთაშორისო ტურნირი მოიგეს.
ჩემპიონთა ლიგას ბოლო წლებში “ბარსელონა” და “რეალი” დაეუფლნენ, ევროპა ლიგის გამარჯვებული კი “სევილია” გახდა. ესპანური კლუბები აშკარად დომინირებენ.
რა თქმა უნდა, ევროპაში კიდევ ბევრი კარგი გუნდი და ფეხბურთელია, თუმცა ლა ლიგაში უფრო სხვა დონეა.” – განაცხადა ნეიმარმა.



