ესპანეთის ჩემპიონატის მე-3 ტურის მთავარი სენსაცია ტურნირის მოქმედი გამარჯვებულის, კატალონიის “ბარსელონას” საკუთარ კედლებში მარცხია. ლუის ენრიკეს გუნდმა “ალავესთან” წააგო. ამ მატჩში რამდენიმე საინტერესო ფაქტი დაფიქსირდა.
– 1980/81 წლების სეზონის შემდეგ პირველად, “ბარსელონამ” ლა ლიგის პირველ ორ საშინაო შეხვედრაში 4 გოლი გაუშვა;
– ლუის სუარესმა “ბარსელონას” მაისურით მე-100 თამაში ჩაატარა;
– ლიონელ მესიმ პროფესიონალურ კარიერაში 650-ე თამაში ჩაატარა;
– 21-ე საუკუნეში პირველად, “ბარსელონამ”, ლა ლიგის პირველ სამ შეხვედრაში, 4 გოლი გაუშვა;
– 2012/13 წლების სეზონის შემდეგ პირველად, “ბარსელონა” 2 ან მეტი გოლი “კამპ ნოუზე” გამართულ ზედიზედ ორ შეხვედრაში გაუშვა;
– სერხიო ბუსკეტსმა ლა ლიგაში 250-ე თამაში ჩაატარა;
– 2011/12 წლების სეზონის შემდეგ პირველად, “ბარსელონამ” ლა ლიგის პირველი 3 თამაშის მოგება ვერ მოახერხა;
– 2012 წლის ოქტომბერში “რეალთან” გამართული მატჩის შემდეგ პირველად მოხდა, რომ “ბარსელონამ”, საშინაო შეხვედრაში, მეტოქის კარში ზუსტი დარტყმა მხოლოდ 2-ჯერ განახორციელა;
– ხავიერ მასკერანომ, ლა ლიგაში, 173-ე თამაში ჩაატარა და მან გოლი კვლავ ვერ გაიტანა. ამ მაჩვენებლით, ის მიხაელ რაიციგერს გაუთანაბრდა;
– კიკო ფემენიამ პრიმერაში ახლად აღზევებული გუნდის მაისურით “კამპ ნოუზე” 2-ჯერ ითამაშა და ორივეჯერ მოიგო (2010 წელს “ერკულესთან”, ხოლო 2016 წელს “ალავესთან” ერთად);
– “ალავესმა” “კამპ ნოუზე” ისტორიაში მეორედ მოიგო. პირველად ეს 2000 წელს მოხდა (1:0).
