„ბარსელონა“ ენრიკესთან თანამშრომლობის გახანგრძლივებას გეგმავს

კატალონიის “ბარსელონა” კლუბის მთავარ მწვრთნელთან, ლუის ენრიკესთან ახალ კონტრაქტს გააფორმებს. იტყობინება, El Mundo Deportivo. 

ენრიკეს კონტრაქტთან დაკავშირებით კლუბის პრეზიდენტმა განცხადება უკვე გააკეთა, თუმცა აღნიშნა, რომ ეს მხოლოდ მაშინ მოხდება როდესაც საჭირო დრო იქნება. ჟორდი მესტრემ კი განაცხადა, რომ “ბარსელონა” ჯერ არ ჩქარობს. 

შეგახსენებთ, რომ ენრიკეს მიმდინარე კონტრაქტს ვადა 2017 წლის ზაფხულში ეწურება, ახალი ხელშეკრულება კი შესაძლოა კიდევ ორი წლით გახანგრძლივდეს. 

ენრიკე “ბარსელონას” სათავეში 2014 წელს ჩაუდგა და მან კლუბთან ერთად 7 ტიტული მოიგო: 2 ჩემპიონატი, 2 სამეფო თასი, ჩემპიონთა ლიგა, ევროპის სუპერთასი და მსოფლიოს საკლუბო ჩემპიონატი.