22 წლის ფრანგი მარცხენა მცველის, ლუკა დინის “პარი სენ ჟერმენიდან” “ბარსელონაში” ტრანსფერი დასრულებულია. კატალონიური კლუბის ოფიციალური ვებგვერდის ინფორმაციით, ფეხბურთელმა კონტრაქტს ხელი უკვე მოაწერა.
დინი “ბარსელონას” სამედიცინო ცენტრში ადგილობრივი დროით დილის 7 საათზე მივიდა და შემოწმება გაიარა. მან “კამპ ნოუზე” 11 საათზე გადაინაცვლა, სადაც კლუბის პრეზიდენტს შეხვდა. შეხვედრის დროს ბართომეუმ მას უთხრა: “მოხარულნი ვართ, რომ ჩვენ კლუბში გადმოსვლა გადაწყვიტე.”
მცირე კომენტარი თავად ფეხბურთელმაც გააკეთა: “ძალიან ბედნიერი ვარ იმით, რომ “ბარსელონაში” გადმოვედი. ეს დიდი კლუბია და დღევანდელი დღე, ჩემთვის, დიდი დღეა.”
შეგახსენებთ, რომ დინის ტრანსფერი 16.5 მილიონი ევრო დაჯდა. მან 5-წლიანი კონტრაქტი გააფორმა. ფეხბურთელის გამოსასყიდი თანხა 60 მილიონი ევრო იქნება.
