ინფორმაციას ინგლისური გამოცემა Daily Express ავრცელებს.
როგორც ცნობილია, ჟოზე მოურინიოს ერთ-ერთი სამიზნე “მანჩესტერ იუნაიტედში” მარკ ბარტრა იქნება. აგრეთვე, 25 წლის ფეხბურთელის მიმართ ინტერესს ლონდონის “ტოტენჰემი” იჩენს.
ესპანურ გაზეთ Sport-ის თანახმად, ბარტრას სატრანსფერო ღირებულება რვა მილიონ ევრომდე მას შემდეგ შემცირდა, რაც გასულ სეზონში არასაკმარისი რაოდენობის მატჩი ჩაატარა.
აღსანიშნავია, რომ “ბარსელონას” ცენტრალური მცველი ესპანეთის ეროვნული ნაკრების ევრო 2016-ის განაცხადში მოხვდა, რაზეც ის დიდ იმედებს ამყარებს.
ბარტრა ამგვარ სიტუაციაში გასულ ზაფხულსაც იმყოფებოდა, თუმცა, საბოლოოდ, “ბლაუგრანაში” დარჩენა და ლუის ენრიკეს გუნდში ადგილის დამკვიდრებისთვის ბრძოლა გადაწყვიტა.
