“ბარსელონას” ყოფილი და არგენტინის ეროვნული ნაკრების ამჟამინდელი მთავარი მწვრთნელი ხერარდო მარტინო აცხადებს, რომ ლიონელ მესი თანახმაა ზაფხულის ოლიმპიურ თამაშებზე არ ითამაშოს.
როგორც ცნობილია, მარტინო აპირებს მესი ოლიმპიური ნაკრების განაცხადში არ შეიყვანოს. ამის მიზეზი ისაა, რომ მსოფლიოს საუკეთესო ფეხბურთელს, ნაკრებთან ერთად, კოპა ამერიკაზე თამაშიც უწევს და გარდა ამისა, მას ოლიმპიადა უკვე მოგებული აქვს.
“ყოველთვის ვფიქრობდი, რომ ლეოს ოლიმპიადაზე გამოძახება ზედმეტი იქნებოდა, განსაკუთრებით იმის გათვალისწინებით, რომ მანამდე კოპა ამერიკა გაიმართება.
სიტუაცია სხვაგვარი იქნებოდა, ოლიმპიადამდე კოპა ამერიკა რომ არ იყოს. ეს საკითხი ლეოსთან ერთად გავიარე. ის მეთანხმება.
ნეიმარს რთული სიტუაცია აქვს. როგორც ჩანს, ბრაზილიაში გადაწყვიტეს, რომ ის ოლიმპიადაზე გამოიყენონ და არა კოპა ამერიკაზე.”
