39 წაუგებელი მატჩი: ციფრები

გუშინ “ბარსელონა” “რეალ მადრიდთან” ანგარიშით 1-2 დამარცხდა, რითიც კატალონიელთა 39 მატჩიანი წაუგებელი სერია შეწყდა. წარმოგიდგენთ საინტერესო ციფრებს აღნიშნული სერიიდან.

– სტატისტიკა ჩემპიონატების მიხედვით: ლა ლიგა – 19 გამარჯვება, 4 ფრე; ჩემპიონთა ლიგა – 5 გამარჯვება, 1 ფრე; ესპანეთის სამეფო თასი – 6 გამარჯვება, 2 ფრე; მსოფლიო საკლუბო ჩემპიონატი – 2 გამარჯვება.
– ჯამში “ბარსელონას” მოთამაშეებმა 122 გოლი გაიტანეს, საკუთარ კარში კი მხოლოს 23 მიიღეს (+99 ბურთი).
– მესის, ნეიმარისა და სუარესის ანგარიშზე ჯამში 90 გოლია: სუარესი – 37, მესი – 31, ნეიმარი – 22. აღნიშნული საერთო გოლების 73%-ს შეადგენს.
– გატანილი გოლების დარჩენილი 27% კი შემდეგ ფეხბურთელებზე ნაწილდება: რაკიტიჩი და მუნირი – 7, პიკე – 5, სანდრო- 3, არდა – 2, ადრიანო, ალვესი, კაპტუმი და ინიესტა – 1.
– 39 მატჩიდან 18-ში კატალონიელებმა მეტოქეს სამი და მეტო გოლი გაუტანეს, მათ შორის არის “ბერნაბეუზე” გატანილი 4 გოლი, 6-1 “რომას” წინააღმდეგ და ესპანეთის სამეფო თასზე “ვალენსიას” კარში გატანილი 7 გოლი.

– რაც შეეხება საგოლე გადაცემებს, აქაც კვლავ ტრიო ლიდერობს. ნეიმარი – 18 საგოლე გადაცემა, სუარესი – 14, მესი – 13, ჯამში 45.
– “კამპ ნოუზე” გამართული შეხვედრებიდან კატალონიელებმა 18ში გამარჯვება მოიპოვეს, 2 მატჩი ფრედ დასრულდა. გასვლაზე “ბარსელონას” ფეხბურთელებმა 14-ჯერ იმარჯვეს და 5 მატჩი დაასრულეს ფრედ.