“ბარსელონას” ცენტრალური მცველი ხერარდ პიკე Facebook-ის თავის გვერდზე გულშემატკივართა კითხვებს პასუხობს.
– რა უფრო მოგწონთ – დაცვა თუ გატანა?
– დაცვა! თუმცა, რა თქმა უნდა, გოლის გატანა შესანიშნავი გრძნობაა მცველისთვის.
– გაიხსენეთ თქვენი გატანილი საუკეთესო გოლი?
– 2:6 “სანტოაგო ბერნაბეუზე”.
– გახსოვთ პირველი გამოცდა ჩემპიონთა ლიგაზე?
– დიახ, “ფენერბახჩეს” წინააღმდეგ. 17 წლის ვიყავი.
– რა არის ყველაზე კარგი რამ ჩემპიონთა ლიგაზე?
– ჩემპიონთა ლიგის ჰიმნის მოსმენა თამაშის წინ… და მსოფლიოში საუკეთესოს წინააღმდეგ თამაში.
– თავდამსხმელები, რომელთა წინააღმდეგაც ყველაზე მეტად გიჭირთ თამაში?
– კრიშტიანუ რონალდუ და დიდიე დროგბა.
– საყვარელი ფეხბურთელები “მანჩესტერში” თამაშის დროს?
– რუუდ ვან ნისტერლოი, უეინ რუნი და კრიშტიანუ რონალდუ.
– კვლავ გიყვართ “მანჩესტერი”?
– დიახ, ნამდვილად კარგი დრო გავატარე იქ.
– რა იყო თქვენი საყვარელი კერძი ინგლისში?
– თევზი და ჩიფსი! ვხუმრობ…
– თქვენი საუკეთესო მომენტი “ბარსაში”?
– სეზონი, როდესაც ტრიპლეტი მოვიგეთ.
– ხერარდ, როგორ ფიქრობთ, გუნდს შეუძლია ტრიპლეტის გამეორება? ინდოეთში ყველას უყვარხართ…
– ვფიქრობ, რომ ამ სეზონში წარმატებებს მივაღწევთ… სხვათა შორის, მიყვარს ინდოეთი.
– საუკეთესო მცველი, რომელთანაც ოდესმე გითამაშია?
– კარლეს პუიოლი და რიო ფერდინანდი.
– გენატრებათ პუი და სესკი გასახდელში?
– დიახ, ძალიან!
– ვინ იყვნენ თქვენი კუმირები ბავშვობაში?
– ხრისტო სტოიჩკოვი და რონალდ კუმანი.
– მესი საუკეთესოა, რომელთანაც ოდესმე გითამაშიათ?
– უდავოდ!
– გცნობთ მილანი ტელევიზორში, როდესაც მატჩებს უყურებს?
– დედამისი ამბობს, რომ კი.
– საშა უფრო მეტად შაკირას ჰგავს თუ თქვენ?
– უფრ მეტად მე.
– ფეხბურთი რომ არ არსებობდეს, რომელის სპორტით დაკავდებოდით?
– კალათბურთით ან ჩოგბურთით.
– მოგწონთ NBA? რომელია თქვენი საყვარელი გუნდი?
– მომწონს! ჩემი საყვარელია გუნდია “სან ანტონიო სპერსი”. ტიმ დანკანი, ტონი პარკერი და ემანუელ ჯინობილი უბრალოდ წარმოუდგენლად თამაშობენ.
– თქვენი საყვარელი მსახიობები?
– ლიამ ნისონი და დენზელ ვაშინგტონი.
