El Mundo Deportivo-ს თანახმად, გერმანიის ეროვნული ნაკრების მთავარი მწვრთნელი იოახიმ ლიოვი ესპანეთის ჩემპიონატში მუშაობას ისურვებდა.
ლიოვის კონტრაქტი გერმანელებთან ევროპის 2016 წლის ჩემპიონატის შემდეგ იწურება. მიმდინარე მსოფლიოს ჩემპიონების მწვრთნელი, გერმანიის ნაკრებთან კონტრაქტის დასრულების შემდეგ, სიამოვნებით იმუშავებდა “ბარსელონაში”.
აღსანიშნავია, რომ ლიოვს ესპანეთის ნაკრების სათამაშო ფილოსოფია მოსწონს. როდესაც მისი ნაკრები ესპანეთთან მსოფლიოს 2010 წლის ჩემპიონატის ნახევარფინალში 0:1 დამარცხდა, ლიოვი მატჩის შემდეგ ესპანელების გასახდელში შევიდა და მათ კარგი თამაში და გამარჯვება მიულოცა.
