საფრანგეთის ულტრამემარჯვენე პარტია “ნაციონალური ფრონტი” “ბარსელონას” საფრანგეთის ჩემპიონატში თამაშის წინააღმდეგ გამოდის. ამის შესახებ პარტიამ სპეციალური განცხადება გააკეთა.
მიმდინარე წლის 9 ნოემბერს, კატალონიაში, დამოუკიდებლობასთან დაკავშირებით, რეფერენდუმი იმართება. იმ შემთხვევაში, თუ ავტონომიურმა ოლქმა დამოუკიდებლობა მოიპოვა, “ბარსელონა” ესპანეთის ჩემპიონატში ვეღარ ითამაშებს. ერთ-ერთ ვარიანტად კატალონიური გრანდის საფრანგეთის ჩემპიონატში თამაშია, სადაც ერთი არაფრანგული კლუბი – “მონაკო”, უკვე თამაშობს. თუმცა, როგორც ირკვევა, “ბარსას” საფრანგეთში ყველა სიხარულით არ ელის.
