17 წლის პარაგვაელი ამომავალი ვარსკვლავი ანტონიო სანაბრია, ბევრისთვის მოულოდნელად, კარიერას არა “რომაში”, არამედ “სასუოლოში” განაგრძობს.
ფეხბურთელი, რომელიც “ბარსელონას” სკოლის აღზრდილია, ბოლო დროს, “რომაში” გადასვლასთან ძალიან ახლოს იყო, მაგრამ საბოლოოდ მან “სასუოლოს” მიაშურა.
“ბარსას” ოფიციალურ საიტზე გამოქვეყნებული განცხადებაც ადასტურებს, რომ კატალონიელებმა მოლაპარაკებები “რომასთან” დაიწყეს, მაგრამ შეთანხმება “სასუოლოსთან” შედგა.
ოფიციალური ინფორმაციით, გარანტირებულმა სატრანსფერო თანხამ 4.5 მილიონი ევრო შეადგინა და ფეხბურთელის ასპარეზობის შესაბამისად, შესაძლოა, ის 12 მილიონამდე გაიზარდოს.