Championat.com-მა შეაჯამა გამოკითხვის შედეგები, რომელშიც მკითხველებს სთხოვეს გამოევლინათ, თუ ვინ გახდება 2013 წლის მსოფლიოს საუკეთესო ფეხბურთელი. გამოკითხვაში მონაწილეობა 38275 ადამიანმა მიიღო.
რესპონდენტთა უმრავლესობამ (61,3%) მადრიდის “რეალის” და პორტუგალიის ეროვნული ნაკრების თავდამსხმელი, კრიშტიანუ რონალდუ აირჩია. 20,4%-ს მიაჩნია, რომ “ოქროს ბურთს” მიუნხენის “ბაიერნისა” და საფრანგეთის ეროვნული ნაკრების ნახევარმცველი, ფრანკ რიბერი მიიღებს. ბოლოს, 18,3%-ს მიაჩნია, რომ გასული წლის მსოფლიოს საუკეთესო ფეხბურთელი კატალონიის “ბარსელონას” და არგენტინის ეროვული ნაკრების თავდამსხმელი, ლიონელ მესი გახდება.
შეგახსენებთ, რომ “ოქროს ბურთის” გამარჯვებული გამოვლინდება ხვალ, 13 იანვარს, ციურიხში.
