“ბარსელონამ” ჟერარდ მარტინთან ხელშეკრულების განახლებისთვის ნიადაგის მომზადება დაიწყო.
გამოცემა Mundo Deportivo-ს ცნობით, კატალონიურ კლუბს სურს, რომ მცველს, რომელსაც მოქმედი კონტრაქტი 2028 წლამდე აკავშირებს (გამოსასყიდი თანხა კი 100 მილიონ ევროს შეადგენს) და ჰანსი ფლიკისთვის სანდო ფიგურად იქცა, პირობები გაუუმჯობესოს: გაუზარდოს ანაზღაურება, გამოსასყიდი თანხა და კლუბში კიდევ უფრო მეტი წლით დარჩენა უზრუნველყოს.
ცნობილი ინსაიდერი ფაბრიციო რომანო ადასტურებს, რომ მხარეებს შორის პირველი კონტაქტები უკვე შედგა.
მისი ინფორმაციით, “ბარსელონა” მარტინსა და მის წარმომადგენლებს დაუკავშირდა, რათა სამომავლო მოლაპარაკებებისთვის საფუძველი მოემზადებინათ. რომანოს თქმით, ოფიციალური შეხვედრა ჯერჯერობით არ გამართულა, რადგან არცერთ მხარეს არ ეჩქარება – ფეხბურთელი “ბარსელონაში” თავს ბედნიერად გრძნობს, კლუბი კი მისი თამაშით უაღრესად კმაყოფილია.
კლუბის შიდა წრეებში დარწმუნებულები არიან, რომ ჟერარდ მარტინი არ არის ისეთი მოთამაშე, რომელიც მოლაპარაკებების პროცესში პრობლემებს შექმნის. ვითარება სრულიად მშვიდი და კონტროლირებადია. ხელმძღვანელობა აღფრთოვანებულია მისი პროგრესით, საიმედო თამაშითა და მომავლის პერსპექტივით. “ბარსელონაში” სჯერათ, რომ ის გუნდს დიდ სარგებელს მოუტანს, რის გამოც ახალი კონტრაქტის გაფორმება გადაწყვეტილი ამბავია.
forum კომენტარები (0)