იამალის ისტორიული ჯარიმა და ახალი რეკორდი

ლამინ იამალი საფეხბურთო ისტორიის გადაწერას განაგრძობს. ჩემპიონთა ლიგის 2026/27 წლების სეზონის სასტარტო ტურში, რომელშიც “ბარსელონამ” როტერდამის “ფეიენოორდი” 5-1 გაანადგურა, ახალგაზრდა ვარსკვლავმა მორიგი შთამბეჭდავი რეკორდი დაამყარა.

შეხვედრაში შესრულებული ულამაზესი საჯარიმო დარტყმით ახალგაზრდა შემტევი ლა ლიგის კლუბების ისტორიაში ყველაზე ახალგაზრდა მოთამაშე გახდა, რომელმაც ჩემპიონთა ლიგაზე გოლი პირდაპირი ჯარიმით გაიტანა. მან ამ ნიშნულს 19 წლისა და 58 დღის ასაკში მიაღწია.

იამალმა საგრძნობლად გააუმჯობესა წინა რეკორდები და გადაასწრო არდა გიულერსა და სერხიო აგუეროს, რომლებიც ამ მაჩვენებლის დაფიქსირებისას 21 წელზე მეტის იყვნენ.

ყველაზე ახალგაზრდა ფეხბურთელები, რომლებმაც ლა ლიგის კლუბების მაისურით ჩემპიონთა ლიგაზე პირდაპირი საჯარიმო დარტყმით გაიტანეს:

• ლამინ იამალი (“ბარსელონა”) – 19 წელი და 58 დღე;
• არდა გიულერი (“რეალ მადრიდი”) – 21 წელი და 49 დღე;
• სერხიო აგუერო (მადრიდის “ატლეტიკო”) – 21 წელი და 154 დღე.

სეზონის ფენომენალური სტარტი გრძელდება: ლამინ იამალი ამტკიცებს, რომ მოედანზე მისთვის შეუძლებელი არაფერია და სტანდარტული მდგომარეობებიდანაც უმაღლესი კლასის ოსტატობას ავლენს.