2026-27 წლების ლა ლიგის სეზონი უკვე დაიწყო, თუმცა ჯერჯერობით ნახევარი დატვირთვით მიმდინარეობს, და როგორც ბოლო სეზონებში, Opta-ს სუპერკომპიუტერმა თავისი პროგნოზები უკვე გააკეთა. 10 000 სიმულაციის გამოყენებით, სუპერკომპიუტერი წინასწარმეტყველებს, თუ რომელი გუნდი გახდება ჩემპიონი.
მთავარი ფავორიტი – “ბარსელონა”
სუპერკომპიუტერის თანახმად, ჰანსი ფლიკის “ბარსელონა” ზედიზედ მესამედ ტიტულის მოგების მთავარი ფავორიტია. გამოთვლების მიხედვით, მათ 45.6%-იანი შანსი აქვთ, რაც საგრძნობლად აღემატება “რეალ მადრიდის” მაჩვენებელს.
მადრიდულმა კლუბმა სატრანსფერო ბაზარზე დატვირთული ზაფხული გაატარა, განახორციელა თავის ისტორიაში ყველაზე ძვირადღირებული ტრანსფერი იან დიომანდეს სახით და მთავარი მწვრთნელის პოსტზე ჟოზე მოურინიო დააბრუნა. პორტუგალიელი სპეციალისტი ბოლო 15 თვის განმავლობაში გუნდის მეოთხე მწვრთნელია კარლო ანჩელოტის, ჩაბი ალონსოსა და ალვარო არბელოას შემდეგ.
კონკურენტების შანსები
Opta მადრიდულ კლუბს ლა ლიგის ტიტულის მოგების 31%-იან შანსს აძლევს მას შემდეგ, რაც მათ ორი სეზონი მნიშვნელოვანი ტიტულის გარეშე გაატარეს.
“ატლეტიკოს” შანსები გაცილებით დაბალია – მათ ჩემპიონობის მხოლოდ 8.6% აქვთ. “ვილიარეალსა” (3.3%) და “ბეტისს” (2%) ტიტულის მოგების მცირე, მაგრამ მაინც გარკვეული შანსი უნარჩუნდებათ.
ამ გამოთვლებში გათვალისწინებული არაა ის, რომ “ბარსელონა” თვის ბოლომდე სავარაუდოდ ერთ მაღალი დონის თავდამსხმელს და ერთ ცენტრალურ მცველს დაიმატებს.
იასნა
“ბარსა ერთ მაღალი დონის თავდამსხმელს და ერთ ცენტრალურ მცველს დაიმატებს”.
აი მერე კი 90%-იანი შანსი გაჩნდება.