მარკ-ანდრე ტერ შტეგენის “აიაქსში” გადასვლა მოულოდნელად გართულდა. მოლაპარაკებები გერმანელი მეკარის ხელფასის განაწილებასთან დაკავშირებით კვლავ შეჩერდა, რაც სერიოზული დარტყმაა იმ გარიგებისთვის, რომელიც სულ რაღაც რამდენიმე დღის წინ გადაწყვეტილად ჩანდა.
ესპანური გამოცემის Sport-ისა და Marca-ს სატრანსფერო ექსპერტის, მატეო მორეტოს ინფორმაციით, პარასკევს თითქოს არაფერი უშლიდა ხელს ფეხბურთელის ამსტერდამში გამგზავრებას და ტრანსფერი პრაქტიკულად დახურული იყო. თუმცა, ბოლო საათებში ვითარება შეიცვალა და ის, რაც მხოლოდ ფორმალობად მიიჩნეოდა, კომპლექსურ კრიზისად გადაიქცა.
ფინანსური ფეარ-პლეი და ხელფასის პრობლემა
თავდაპირველად მთავარი პრობლემა გადასახადებს უკავშირდებოდა, თუმცა ახლა დავა უშუალოდ ხელფასის გადანაწილებაზე მიმდინარეობს, რამაც პროცესი ჩიხში შეიყვანა.
- “ბარსელონას” პოზიცია: კატალონიური კლუბი პოზიციებს არ თმობს. ფინანსური ფეარ-პლეის მკაცრი რეგულაციები “ბარსელონას” მანევრირების საშუალებას უზღუდავს, რის გამოც ისინი დამატებით ფინანსურ დათმობებზე წასვლას არ აპირებენ.
- “აიაქსის” პოზიცია: თავის მხრივ, არც ამსტერდამულ კლუბს შეუძლია მეკარის დასამატებლად დამატებითი ფინანსური ნაბიჯების გადადგმა და შეთავაზების გაუმჯობესება.
ამ ყველაფერმა გარიგება შეაჩერა და ესპანური სატრანსფერო ბაზრის ერთ-ერთ ყველაზე დიდ საზაფხულო საგად აქცია.
მოსალოდნელი გამოსავალი თუ ხანგრძლივი კრიზისი?
ამ ეტაპზე სწრაფი გამოსავალი არ ჩანს, თუმცა წყაროების ცნობით, ორივე მხარეს სურს, რომ საკითხი უახლოეს დღეებში მოგვარდეს. კლუბებმა უნდა გადაწყვიტონ, შესაძლებელია თუ არა კომპრომისის გამონახვა ტრანსფერის გადასარჩენად.
მანამდე კი ტერ შტეგენი ბარსელონაში რჩება და ელოდება, შეძლებენ თუ არა “ბარსელონა” და “აიაქსი” დარჩენილი დაბრკოლებების გადალახვას, რათა მისი “იოჰან კრუიფ არენაზე” იჯარით გადასვლა რეალობად იქცეს.
აუ ამან ხო წაიღო ტვინი
ამ სიტუაციაში ბარსას ბორდი არაფერ შუაშია.
ჩავია *ლე რო შტეგენს ამხელა კონტრაქტი გაუხანგრძლუვეს თორე 1 წელი ჰქონდა დარჩენილი და პატიოსნად გაუშვებდნენ პროსტა ჩავიმ დაიჟინა, თან იმ პერიოდში შტეგენი ლალიგის საუკეთესო ფეხბურთელი გახდა, ამიტომ რთული წარმოსადგენი იყო რომ ესეთი რაღაცეები მოხდებოდა, მარა მაინც ამხელა კონტრაქტის მეკარისთვის დადება უბრალოდ ანომალიაა.
ახლა ხელფასის გამო კაციშვილს აღარ უნდა და ვისაც უნდა ისიც არ იხდის მაგ ხელფასს, ბარსამ უნდა იხადოს 90%, პროსტა მეორე სადარდებელი შემსყიდველ კლუბს ის აქვს რომ ძალიან ტრავმიანი გახდა შტეგენი და ალბათ იმ პირობების ჩადებასაც ითხოვენ რომ გარკვეული თამაშების რაოდენობა თუ არ ჩაატარა საერთოდ არაფერს გადაიხდიან.
ესეთ შემთხვევაში მე ბარსას ადგილას ესე მოვიქცეოდი რომ ფეხბურთელს ვეტყოდი ან შეიმცირე ხელფასი და წადი წესიერ გუნდში, ან ბარსა ბ-ში გაგიშვებ სათამაშოდ თქო, თუ მაინც მთელი ფული თვითონ უნდა იხადონ მაშინ ვერ ვხვდები ამის სხვა კლუბში გაიჯარების ლიგიკას. დააგდონ სარეზერვოში და ნახევარ წელში თავად გაიქცევა.
აი აზრი იჯქრით გაშვების რა არის ვერ ვხვდები გუნდში პირველი მეკარე გარსიაა მეორე მეკარე შესნია გაუხანგრძლივეს კონტრაქტი და ეს რატო რჩება ან რატო იტენიან ვერ ვხვდები გაყიდონ გაუშვან რატო უხდიან ხელფასს ტყუილად
არ იყიდება ძამი. არავის უნდა სრულად ამის ხელფასის გადახდა,ეს გველიც არ იკლებს. გუნდშიც ვერ დატოვებ,დაშხამავს გასახდელს. ყოფილიყო ბრავო რა ჯანდაბამ გვაყიდინა ეს,არა და რამხელა იმედი მქონდა
ეს რა მოუშორებელი ჭირია, ყველა უუნარო წურბელამ ამ კლუბში როგორ მოიყარა თავი. დაწყევლილები ვართ რა
ეს რა ჭირი გვჭირს ტო
რა უნდა აიაქსს? ალბათ ხელფასი ბარსამ უხადოს სრულად? თითქოს 90% არ იყვნენ შეთანხმებული.