“ბარსელონა” 24 წლის გერმანელი შემტევის, კარიმ ადეიემის დამატებას სატრანსფერო ბაზარზე კარგ შესაძლებლობად განიხილავს. თავის მხრივ, ფეხბურთელსაც სურს წლების ოცნება აიხდინოს და კატალონიურ კლუბში ითამაშოს. ამ ფონზე, მოთამაშესთან შეთანხმების მიღწევის შემდეგ, “ბარსელონამ” “დორტმუნდს” 20 მილიონი ევრო შესთავაზა. თუმცა, Mundo Deportivo-ს ინფორმაციით, გერმანულმა კლუბმა ეს წინადადება არასაკმარისად მიიჩნია და უარყო.
მოლაპარაკებები გრძელდება
მიუხედავად უარისა, “ბარსელონამ” მიიღო მესიჯი, რომ “დორტმუნდი” ადეიემის ტრანსფერზე მოსალაპარაკებლად ღია რჩება. გერმანულ კლუბში კარგად აცნობიერებენ შექმნილ პრობლემას: ფეხბურთელს კონტრაქტი ერთ წელიწადში ეწურება, გახანგრძლივება არ სურს და მისი მთავარი პრიორიტეტი “ბარსელონაში” გადასვლაა. რისკი ნათელია – თუ ამ ზაფხულში შეთანხმება არ შედგება, მომავალ წელს ის გუნდს თავისუფალი აგენტის სტატუსით დატოვებს. “დორტმუნდმა” იცის, რომ ადეიემის, როგორც ახალგაზრდა, გერმანიის ნაკრების ფეხბურთელისა და ძლიერი ფიზიკური მონაცემების მქონე მოთამაშის ფასი საკმაოდ მაღალია.
“ბარსელონას” პოზიცია
თავის მხრივ, “ბარსელონამ” გერმანელების ეს უარი სიმშვიდით მიიღო. კატალონიელებმა იციან, რომ ადეიემი ბაზარზე კარგი შესაძლებლობაა, თუმცა არა უდიდესი პრიორიტეტი (როგორიც, მაგალითად, ცენტრალური თავდამსხმელის დამატებაა). შესაბამისად, თუ ოპერაცია მისაღებ ეკონომიკურ ფარგლებში განვითარდება, კლუბი ტრანსფერზე მუშაობას გააგრძელებს, ხოლო თუ ფასი ძალიან გაიზრდება, პროცესს ჩამოშორდება. ამ ჰიპოთეტურ სცენარში, ტრანსფერის განსახორციელებლად, თავად ფეხბურთელსა და “დორტმუნდს” მოუწევთ ძალისხმევის გაღება და დათმობაზე წასვლა.
30 ის ფარგლებში შეუძლიათ თავისუფლად დათრევა ერთ წელში ეწურება კონტრაქტი და მიაწვნენ ბოლომდე.
გაცვლა არ აწყობთ დავიჯერო? შეტენონ ფერანი, არაუხო ან კასადო თუნდაც, აბა 30 მილიონზე მეტის გადახდა სისულელეა ახლა კიდე ვინგერში ჯერ ისედაც ამდენი ვინგერი რად უნდათ იმას ვერ ვხვდები მარა ჯანდაბას გაცვლით ან <30 ში თუ დაიმატებენ კაი იქნება.
კარგი რა ძმა, ტორესისთვის მე რაც ნაგინები მყავს სრ ვიცი ვინმე თუ მაჯობებს, მაგრამ სულ მცირე 50-60 მილიონი ღირს ბრატ, რაის დორტმუნდის სათადარიგოში გაცვლა, თან გაისად რომ კონტრაქტი უმთავრდება ისეთში. ამ გაცვლას დარწმუნებული ვარ თვით ტრანსფერების მეფე დეკოც კი არ იკადრებს😁
რახან კონტრაქტი არ გაახანგრძლივა არ ათამაშებდნენ თორე ძირითადის კაცი იყო. მაქსიმუმ 30 ღირს იმის გათვალისწინებით რო 1წელში უმთავრდება კონტრაქტი
აუ ბონო ძაან დაუფასებელი მეკარეა. ძაან დონეა ტიპი.
თავი გაიბანძა აქლემების ლიგაში რო წავიდა
ძალიან კარგი