გუშინ, კატალონიურ დერბიში “ბარსელონამ” ესპანიოლს მინიმალური ანგარიშით სძლია. ერთადერთი გოლი კი ალექსის სანჩესმა გაიტანა. წარმოგიდგენთ ამ შეხვედრაში დაფიქსირებულ რამდენიმე საინტერესო ფაქტს.
- გუშინდელი მატჩი პარასკევს გამართული მეექვსე შეხვედრა იყო. პარასკევს კატალონიელებმა პირველად 1968 წელს, უკანასკნელად კი 2006 წელს ითამაშეს.
- “ესპანიოლი” გახლავთ მეათე გუნდი, რომელმაც “ბარსელონას” კარში გოლის გატანა ვერ შეძლო. “ატლეტიკო” (სუპერ თასის განმეორებითი შეხვედრა), “აიაქსი”, “სელტიკი”, “ლევანტე”, “მალაგა”, “რაიო”, “ალმერია”, “ოსასუნა”, “სელტა” – ეს არის ჩამონათვალი გუნდებისა, რომელთანაც ვალდესმა კარი მშრალად შეინახა.
- უკვე მეხუთე წელია “ესპანიოლი” “კამპ ნოუზე” გოლს ვერ იტანს.
- “ბარსამ” “კამპ ნოუზე” ჩატარებულ ზედიზედ 21-ე შეხვერდაში სძლია მეტოქეს (ლა ლიგა).
- გუშინდელი შეხვედრა მასკერანოსთვის “ბლაუგრანას” მაისურით ჩატარებული 150-ე მატჩი გამოდგა.
- დერბის ყველაზე აქტიური ფეხბურთელი ესპანელი ჩავი ერნანდესი იყო. მან 125 გადაცემა გააკეთა.
- მიმდინარე სეზონზე მონტოიამ სასტრატო შემადგენლობაში მესამედ ითამაშა და პირველად მოირგო მარცხენა მცველის პოზიცია. დანარჩენ ორ შემთხვევაში ის დანი ალვესის პოზიციაზე ასპარეზობდა.
