ჟოან გარსიამ “ბარსელონას” კარში მყარად მოიკიდა ფეხი. გასული ზაფხულის შენაძენმა ყველა მოლოდინი გაამართლა და მისმა თამაშმა ლა ლიგის ტიტულის ზედიზედ მეორედ მოპოვების გზაზე გადამწყვეტი როლი შეასრულა.
კატალონიელმა მეკარემ “კორნელიას” სტადიონზე “ესპანიოლის” წინააღმდეგ გამართულ მატჩში მნიშვნელოვანი გამარჯვების მოსაპოვებლად არაერთი შესანიშნავი სეივი შემოგვთავაზა. ამავე შეხვედრაში, პერე მილიას თავურის დარტყმის შემდეგ ცალი ხელით შესრულებული მისი გამაოგნებელი სეივი კი ლა ლიგის სეზონის საუკეთესო სეივად დასახელდა.
სამორას ჯილდო და საუკეთესო სეივი
ჟოან გარსიასთვის “ბლაუგრანას” მაისურით ეს მართლაც გამორჩეული სეზონი იყო. კლუბში გატარებულ სადებიუტო წელს მან მხოლოდ 21 გოლი გაუშვა, რითაც სამორას (Zamora) ტროფეი მოიპოვა, რასაც ახლა სეზონის საუკეთესო სეივისთვის განკუთვნილი ჯილდოც დაემატა.
ვახ ატლეტიკოს არაუხო უნდაო😂😂😂