“ბარსელონას” ქალთა გუნდი ოსლოში გასამართი ჩემპიონთა ლიგის ფინალისთვის ემზადება, სადაც “ლიონს” დაუპირისპირდება. გარდა პრესტიჟისა და მორიგი ტიტულისა, ამ მატჩს კლუბისთვის უდიდესი ფინანსური მნიშვნელობაც აქვს.
Mundo Deportivo-ს ინფორმაციით, თუ კატალონიელები ევროპის უპირველეს საკლუბო ტურნირს მოიგებენ, სპორტული ბრენდი Nike კლუბს ბონუსის სახით 3 მილიონ ევროს გადაუხდის.
ეს პუნქტი ძალაში შევიდა მხარეებს შორის 2024 წლის ნოემბერში განახლებული და დეკემბრის ასამბლეაზე რატიფიცირებული კონტრაქტის საფუძველზე (რომელიც თანამშრომლობას 2038 წლამდე აგრძელებს). ახალი ხელშეკრულების თანახმად, ჩემპიონთა ლიგის მოგებისთვის დაწესებული ბონუსები კაცთა და ქალთა გუნდებისთვის სრულად გათანაბრდა. შესაბამისად, პერე რომეუს გუნდს შანსი აქვს, კლუბის ბიუჯეტში დამატებით 3 მილიონი ევრო შეიტანოს.
გამოცემა დასძენს, რომ ტიტულის მოპოვების შემთხვევაში, “ბარსელონა” ფეხბურთელებს პრემიის სახით ჯამში დაახლოებით 1 მილიონ ევროს გადაუხდის, რაც იმას ნიშნავს, რომ კლუბის სუფთა მოგება Nike-ს ბონუსიდან 2 მილიონი ევრო იქნება.
საინტერესოა, რომ ამერიკული გიგანტის მიერ დაწესებული ეს ბონუსი აჭარბებს იმ თანხას, რასაც უეფა მთლიანი ტურნირის განმავლობაში გამარჯვებულს სპორტული შედეგების მიხედვით უხდის. “ლიონთან” ფინალში გამარჯვება უეფასგან დამატებით 200 000 ევროს მოიტანს, რითაც მიმდინარე გათამაშებაში “ბარსელონას” მიერ გამომუშავებული თანხა ჯამში 1,955 მილიონ ევრომდე გაიზრდება.
იმის აღსაქმელად, თუ რამდენია 3-მილიონიანი ბონუსი, გეტყვით, რომ “ბარსელონას” ქალთა გუნდის წლიური ბიუჯეტი 20 მილიონ ევროს არ აღემატება.
მიდით ჰა
სერიოზული მაყუთია
და ამისთანა სერიოზული ბონუსებით გვინდა 1-1 მიღწევა?
3 მილიონს თუ ბარსელონასთვის უდიდესი ფინანსური მნიშვნელობა აქვს ესეიგი სწორ ნაწლავშია გუ დი გაჭედილი😕
ქალთა გუნდზეა საუბარი.