“ბარსელონას” ფეხბურთელები, რაფინია, მარკ ბერნალი და ანდრეას კრისტენსენი მოედანს თანდათან უბრუნდებიან.
სამდღიანი დასვენების შემდეგ, ჰანსი ფლიკის გუნდმა ვარჯიში განაახლა და შაბათს “ოსასუნასთან” გასამართი გასვლითი მატჩისთვის მზადება დაიწყო.
ტრავმირებულმა მოთამაშეებმა გუნდთან ერთად სესიის გარკვეული ნაწილი უკვე შეასრულეს. ეს ფაქტი “ბარსელონას” სამწვრთნელო შტაბისთვის ძალიან სასიხარულო სიახლეს წარმოადგენს. ბრაზილიელი შემტევის, რაფინიასა და ნახევარდაცვისა და დაცვის ხაზის მოთამაშეების, ბერნალისა და კრისტენსენის სრულად გამოჯანმრთელება სეზონის დასკვნით ეტაპზე გუნდს მნიშვნელოვნად დაეხმარება.
საწვრთნელ პროცესში მონაწილეობა ძირითადი გუნდის სხვა წევრებმაც ჩვეულ რეჟიმში მიიღეს.
2 მაისს ჩემპიონატის ლიდერი ლა ლიგის მორიგ შეხვედრას პამპლონაში “ოსასუნასთან” ჩაატარებს. ამ დაპირისპირებაში გამარჯვების მოპოვების შემთხვევაში, კატალონიელები სანუკვარი ტიტულის ოფიციალურად გაფორმებას კიდევ უფრო მიუახლოვდებიან.
როგორც იქნა ნიკნეიმის შეცვლა დაემატა 12 წელი ამაზე ვოცნებობდი :დ <3
ისედაც იყო შესაძლებელი, ადმინისთვის უნდა მიეწერა მომხმარებელს.
მაგრად ტეხავს, რომ არსენალსა და ატლეტიკოს შორის რომელიმე გავა ფინალში.
ეგ მეც ვიფიქრე, პსჟ-ბაიერნი სასწაული ფინალი გამოვიდოდა.
დღევანდელი ბარსა ორივე ამ საცოდავ გუნდზე ძლიერია. მაგრამ დიდად აღარ მწყდება გული ვერ გასვლაზე, გამოდის იამალის და რაფინიას გარეშე უნდა გვეთამაშა მაინც ნახევარფინალი. აზრი არ აქვს ასე, შემადგენლობის სიღრმეა საჭირო. 12-13 ფეხბურთელი გვყვავს ისეთი, ვინც დონეს დებს, მაგრამ კონკრეტულ პოზიციებზე ფიზიკურად არ გვყვავს შემცვლელები
ოჰ, მიკა გოცი მონდომებიათ ბიჭებს… რასაც ქვია კოჭებში ატყობენ ტალანტებს, ვინ რა დადგება…
ალვარესი ჩემი აზრით 80-ზე მეტი არ ღირს არანაირად. თანაც ატლეტიკოდან მოყვანილმა ბარსაში ვერცერთმა ვერ გაამართლა. სორლოტი უფროა ცხრიანი, ვიდრე ეს. ცხრიანი მე ვიცოდი სუარესი. ამ ალვარესის ფასი სუამ 1 გოლი გაიტანა მარტო ქუსლით, გოლი-შედევრი. არც სტაბილურია, ერთს ითამაშებს , ხუთს ჩააგდებს.
87-ე წუთზე დაარტყა პირველად კარში არსენალმა თამაშიდან, პენალტს არ ვგულისხმობ. უბრალოდ რამხელა უსამართლობაა, რომ ამ ორი სვარშიკი გუნდიდან ერთერთი ფინალში ითამაშებს, მაგრამ ატლეტიკოს გასვლა მაინც არ მინდა.