“ბარსა” ჯგუფს შინ იწყებს და ამთავრებს

ცნობილი გახდა ჩემპიონთა ლიგის H ჯგუფის კალენდარი და გაირკვა, რომ “ბარსელონა” პირველ და ბოლო შეხვედრებს “კამპ ნოუზე” ჩაატარებს.

18 სექტემბერს, ტატა მარტინოს გუნდი “აიაქსს” უმასპინძლებს. 1 ოქტომბერს, კატალონიელები გლაზგოს ეწვევიან და “სელტიკს” დაუპირისპირდებიან. 22 ოქტომბერსა და 6 ნოემბერს, ჯგუფის ცენტრალური მატჩები გაიმართება – “ბარსა” “მილანს” ჯერ სტუმრად, შემდეგ კი შინ შეხვდება. 26 ნოემბერს, ესპანეთის ჩემპიონები “აიაქსს” ესტუმრებიან, ხოლო 11 დეკემბერს, ჯგუფის ბოლო მატჩში, “სელტიკს” “კამპ ნოუზე” დაუხვდებიან.