“სევილია”-“ბარსელონა” – განაცხადი

დღეს, თბილისის დროით 00:00 საათზე “ბარსელონა” სეზონის პირველ ოფიციალურ მატჩს გამართავს. პეპ გვარდიოლა ძლიერ მეტოქესთან გასვლითი შეხვედრის დროს სერიოზულ საკადრო პრობლემებს წააწყდა. კატალონიელთა 19-კაციან განაცხადში თითქმის ნახევარი, 9 ფეხბურთელი “ბარსა ბ”-დან მოხვდა. ეს დიდწილად გამოწვეულია ესპანეთის ნაკრების წევრების არასათანადო ფორმაში ყოფნით, აგრეთვე პინტოს მიერ მიღებული ტრავმით. სწორედ მეკარე იქნება “ბარსას” უპირველესი პრობლემა “სანჩეს პისხუანზე” გასამართ შეხვედრაში. კატალონიელთა კარს ახალაგაზრდული გუნდის რომელიმე მეკარე – რუბენ მინო, ან ოიერ ოლასაბალი დაიცავს.

გარდა ესპანეთის ნაკრების შემადგენლობაში მსოფლიო ჩემპიონატის მომგები ფეხბურთელებისა და პინტოსი, გვარდიოლამ განაცხადს მიღმა დატოვა ალექსანდრ გლები, მარტინ კასერესი და ვიქტორ სანჩესი. ამით მან ხაზი გაუსვა იმ ფაქტს, რომ ამ ფეხბურთელების მას არ ეიმედება.

გთავაზობთ სევილიაში გასამართი მატჩისთვის “ბარსელონას” სრულ განაცხადს:

მეკარეები: მინო, ოიერი;

მცველები: აბიდალი, მილიტო, ალვეში, სერხი გომესი, მაქსველი, მუნიესა;

ნახევარმცველები: ორიოლ რომეუ, კეიტა, ადრიანო, ჯონათანი, ტიაგო, ხეფრენი, სერხი რობერტო;

თავდამსხმელები: ნოლიტო, იბრაჰიმოვიჩი, მესი, ბოიანი.

წყარო: fcbarcelona.cat