კატალონიის “ბარსელონას” ყოფილი მწვრთნელი, კარლეს რექსაჩი აცხადებს, რომ ტიაგო ალკანტარას გადაწყვეტილება საკმაოდ ლოგიკური ნაბიჯია. ფეხბურთელი მიუნხენის “ბაიერნში” იმ მიზეზის გათვალისწინებით გადავიდა, რომ გერმანიაში უფრო მეტი სათამაშო დრო ექნება ვიდრე ესპანეთში ჰქონდა. იტყობინება, ესპანური პრესა.
“ტიაგოს “ბაიერნში” გადასვლა არ მაკვირვებს. მისი ხილვა საკუთარ გუნდში პეპ გვარდიოლას სურდა, რომელმაც ფეხბურთი ძალიან კარგად იცის. უკანასკნელმა კი მიიღო გადაწყვეტილება და გააცნობიერა, რომ მომავალში ერთ-ერთი ევროპული გრანდის ფერებს მოირგებდა. დრო გვიჩვენებს ამ ტრანსფერის შემდეგ ვინ დარჩა მოგებული “ბარსელონა” თუ “ბაიერნი” – განაცხადა, რექსაჩმა.
