ვიტორ ბაია – “პორტუს” საზოგადოებასთან ურთიერთობის მენჯერი.
რუდ ჰესპი – “როდასა” და “გრონინგენში” მეკარეებს ავარჯიშებდა, ამჟამად ჰოლანდიის ნაკრებშია.
რიშარ დუტრუელი – რომელიღაც უსახელო ფრანგული კლუბის პრეზიდენტია.
რობერტო ბონანო – ესპანეთის ფეხბურთის ფედერაციის ლიცენზიას ფლობს, რომელიც სპორტულ დირექტორად მუშაობის უფლებას აძლევს. კატალონიურ “ვანგუარდიასა” და ვიტორიულ “კორეოში” სტატიებს წერს.
ალბერტ ფერერი – ესპანეთის ტელევიზიაში კომენტატორად მუშაობს.
აბელარდო – “სპორტინგ ბ”-ს მთავარი მწვრთნელის პოსტიდან იანვარში დაითხოვეს.
მაურისიო პელეგრინო – “ლივერპულში” ბენიტესის თანაშემწე იყო და გამოცდილ სპეციალისტს “ინტერში” წაჰყვა.
ფერნანდო კოუტუ – ივლისში “ბრაგას” ჩაუდგა სათავეში.
რონალდ დე ბური – ყატარის ტელევიზიაში მუშაობს და იქვე მცირე ბიზნესი აქვს.
გილერმო ამორი – ესპანეთის ტელევიზიაში კომენტატორია.
ხრისტო სტოიჩკოვი – მარტში “მამელოდი სანდაუნსის” მთავარი მწვრთნელის პოსტიდან დაითხოვეს.
ალბერტ სელადესი – გასული სეზონის დასაწყისში ბუცები ლურსმანზე ჩამოკიდა, მაგრამ ზამთარში ერთ-ერთ ჰონკონგურ კლუბში იბურთავა ცოტა ხნით.
ფილიპ კოკუ – პსვ-სა და ჰოლანდიის ნაკრების მთავარი მწვრთნელის ასისტენტია.
მეხო კოდრო – 2008 წელს ბოსნიის ნაკრებს თავკაცობდა, მაგრამ ფედერაციის ბოსებთან უთანხმოება მოუვიდა და პოსტი დაატოვებინეს.
სონი ანდერსონი – “ლიონში” ფორვარდების მწვრთნელია.
პატრიკ კლუივერტი – ერთი პერიოდი “ალკმაარში” თავდამსხმელებს ავარჯიშებდა, ამჟამად ავსტრალიურ “ბრისბეინ როარშია”. თავდაპირველად, მთავარი მწვრთნელის თანაშემწე გახლდათ, მაგრამ ორი კვირის თავზე ახალი თანამდებობა მოუძებნეს – ელჩი. გაოცდით? მეც.
ჯოვანი – 38 წლის ნახევარმცველმა ამაწლის იანვარში “სანტოსში” გააგორა ბურთი.
სერხი – “ბარსელონას” ახალგაზრდული გუნდის, “ჟუვენილ ბ”-ს მთავარი მწვრთნელია.
ხორდი კრუიფი – კვიპროსული “აეკ ლარნაკას” სპორტული დირექტორია.
ემანუელ ამუნიკე – ნიგერიული “ოუშენ ბოისის” დამრიგებელია.
ლორან ბლანი – საფრანგეთის ნაკრების მთავარი მწვრთნელობისთვის ემზადება.
ხუან პიცი – ჩილური “სანტიაგო მორნინგის” დამრიგებელია.
დანი გარსია – “რეალის” ფუტზალის ვეტერანთა გუნდის ფეხბურთელია.
მიგელ ანხელ ნადალი – ჩოგბურთში ტრიალებს, რაც გასაკვირი სულაც არ არის, მისი ძმისშვილი ხომ რაფა ნადალია. ბალეარულ ტელევიზიაში კომენტატორად მუშაობდა, ამჟამად კი “მალიორკას” თავკაცის, მიქაელ ლაუდრუპის ასისტენტია.
ლუის ანრიკე – “ბარსელონა ატლეტიკის” მთავარი მწვრთნელია.
რობერტ პროსინეჩკი – ხორვატიის ნაკრების მთავარი მწვრთნელის თანაშემწეა.
ფრანკ დე ბური – ჰოლანდიის ნაკრების მთავარი მწვრთნელის თანაშემწეა. პარალელურად “აიაქსის” აკადემიაში მუშაობს.
ალფონსო – “რეალის” ფუტზალის ვეტერანთა გუნდის ფეხბურთელია.
ჰენრიკ ლარსონი – ნახევარი წელია “ლანდსკრონას” წვრთნის.
ემანუელ პეტი – საფრანგეთის ტელევიზიაში მოღვაწეობს.
გაისკა მენდიეტა – 2007 წელს კარიერა დაასრულა. მისი ბოლო კლუბი “მიდლსბრო” იყო. ოჯახთან ერთად ნისლიან ალბიონზე დასახლდა და სპორტულ დირექტორობას აპირებს.
დემეტრიო ალბერტინი – ფედერკალჩოს ვიცე-პრეზიდენტია.
ედგარ დავიდსი – “აიაქსის” დატოვების შემდეგ, ოკეანეთის ნაკრებში ითამაშა საჩვენებელ მატჩებში. “ლესტერში” იყო სინჯებზე, მაგრამ მხარეებმა შეთანხმებას ვერ მიაღწიეს.
მიხაელ რაიციგერი – ბოლოს პსვ-ს ღირსებას იცავდა. ამჟამად ბარსელონაში ცხოვრობს.
ფილიპ კრისტანვალი – ლონდონში იუველირული სალონის მეპატრონეა.
იარი ლიტმანენი – 39 წლის ფორვარდი “ლახტიში” ბურთაობს.
ფრანჩესკო კოკო – ბიზნესითაა დაკავებული. ტანსაცმლის ხაზის, Urban 77-ის მფლობელია.
რივალდო – შეიძლება არ დაიჯეროთ, მაგრამ 38 წლის რივალდო უკვე მესამე წელია უზბეკური “ბუნიოდკორის” ღირსებას იცავს.
www.barcamania.com