ინგლისურ ”მანჩესტერ იუნაიტედს” კატალონიური ”ბარსელონას” ნახევარმცველი, სესკ ფაბრეგასი სურს.
მანკუნიანელებმა, რომლებიც ამ ზაფხულში ნახევარდაცვის ხაზის გაძლიერებას აპირებენ, ფაბრეგასის თაობაზე უკვე გაუკეთეს პირველი შეთავაზება ”ბარსელონას”. 2011 წელს კატალონიელებმა სესკი 30 მილიონ ევროდ შეისყიდეს და ნაკლებად მოსალოდნელია, რომ როსელი და კომპანია ესპანელ ნახევარმცველში 24 მილიონ ევროზე ნაკლებს მოითხოვს.
მიმდინარე სეზონში ფაბრეგასმა 29 მატჩში მიიღო მონაწილეობა. მან 10 გოლის გატანა და 15 საგოლე გადაცემის გაკეთებაც შეძლო.



