ხორდი ალბას, ვინ იცის მერამდენედ მოუწია მესტალიაზე თამაში, მაგრამ გუშინ იგი პირველად გამოვიდა ღამურების სტადიონზე ”ბარსას” მაისურით. ესპანელმა შესანიშნავად გაართვა თავი გუშინდელ თამაშს და მატჩის შემდეგ განაცხადა: ”ძალიან თანაბარი მატჩი იყო და ორივე გუნდს შეეძლო 3 ქულის მოპოვება, რადგან ორივე გუნდი საკმაოდ ბევრ რეალურ მომენტს ქმნიდა.” თან რამდენიმე დღის წინ ნათამაშები “ელ კლასიკოც” ახსენა, – ”ცოტათი დაღლილები ვიყავით, რადგან როდესაც “ბერნაბეუზე” თამაშობ, მითუმეტეს ”ბარსელონას” მაისურით, უბრალოდ არ გაქვს უფლება, რომ ენერგია დაზოგო.”
ეს ყოველთვის რთული იყო
კატალონიელების მცველმა ისიც ახსენა, რომ მესტალიაზე თამაში ყოველთვის რთულია, – ”ჩვენ კლუბს ყოველთვის უჭირდა მესტალიაზე თამაში, მითუმეტეს გუშინ დაგვხვდა საოცარი ”ვალენსია” ვალვერდეს ხელმძღვანელობით, რომელმაც ძალიან კარგად აათამაშა თავისი გუნდი.” ალბამ, რა თქმა უნდა, ისაუბრა ყოფილ გუნდში გატარებულ დროზე, – ”ვალენსიაში კარიერის დაწყება ერთ-ერთი საუკეთესო ეპიზოდი იყო ჩემს კარიერაში. რეალურად მსიამოვნებდა გუშინ “მესტალიაზე” თამაში, რადგან ვნახე ბევრი გულშემატკივარი, რომლებიც პატივს მცემენ მიუხედავად ამ ტრანსფერისა.”
“თუ ჩვენ ვერ ვიგებთ, იძულებულნი ვართ 1 ქულა მაინც ავიღოთ” – აცხადებს დანი ალვესი
ბრაზილიერი მცველი აკეთებს გულწრფელ განცხადებას გუშინდელი მატჩის შესახებ: ”გუშინ უბრალოდ ფორმაში არ ვიყავით და იმის გათვალისწინებით თუ როგორ თამაშობდა ”ვალენსია”, ის ერთი ქულაც უნდა გვიხაროდეს.” ალვესმა ”რეალზეც” ისაუბრა: ”არ გვაინტერესებს რას გააკეთებს მესამე ადგილოსანი გუნდი, მეორე ადგილზე მყოფი გუნდი უფრო ახლოსაა ჩვენთან და მათგან უფრო მეტი სიურპრიზია მოსალოდნელი.”



