– 3 ”ოქროს ბურთი” და 2 ”ოქროს ბუცი”, როგორი გამოწვევებია თქვენს წინაშე?
– ჩემთვის ინდივიდუალური პრიზების დიდი მნიშვნელობის არაა. მთავარი გუნდის გამარჯვებებია. თუკი ”ბარსელონაში” წარმატებული თამაში პრიზების მოპოვებაში მეხმარება, მაშინ ბედნიერი ვარ. ასეთი თანხვედრა მომწონს. იმისთვის, რომ გოლები გავიტანო დამატებითი მოტივაცია არ მჭირდება.
– ასე იყო ყოველთვის?
– უნდა დავფიქრდე… იცით, ბავშვობაში ტკბილეულისთვის გამქონდა გოლები. კლუბის ერთ-ერთმა თანამშრომელმა მითხრა: ყოველ გატანილ გოლზე ერთ ნამცხვარს მიიღებ და როცა მოედანზე გავდიოდი ყოველთვის ამაზე ვფიქრობდი!
– ”ოქროს ბუცი” უფრო სამართლიანია, ვიდრე ”ოქროს ბურთი”?
– რა თქმა უნდა ასეა. აქ შენ არავინ არ გირჩევს. ამიტომაც სამართლიანობაზე არავინ ისაუბრებს.
– რომელ მომენტს დაარქმევთ საუკეთესოს ცხოვრებაში?
– არ ვიცი. ღმერთს ყოველთვის მადლობას ვუხდი ასეთი დღეებისთვის, იმისთვის, თუ როგორ ეწყობა ჩემი ცხოვრება. ჩემს ბედზე წუწუნის უფლება არ მაქვს. ანალიზის დრო კი ჯერ არ მოსულა.
– რა მიზნები გაქვთ წინ?
– ძალიან მარტივი: გავიმარჯვო ყველა ტურნირზე. უკვე ვთქვი, რომ მიზნებს არ ვისახავ, რომლებიც გუნდს არ ეხება.



