არის იმის ვარიანტი, რომ ერიკ აბიდალი ღვიძლის გადანერგვის შემდეგ მოახერხებს მოედანზე დაბრუნებას და საფეხბურთო კარიერის გაგრძელებას.
შეგახსენებთ, რომ აბიდალმა 10 აპრილს ღვიძლის გადანერგვის ოპერაცია ჩაიტარა. ექიმები კმაყოფილები არიან ერიკის მდგომარეობით, თუმცა მას სახლიდან გასვლის უფლებას ჯერ-ჯერობით არ აძლევენ. ერიკის აგენტს სწამს, რომ ფეხბურთელის კარიერა დასრულებული არ არის.
”ერიკის გამოჯანმრთელება ნორმალურად მიმდინარეობს. მიუხედავად ამისა ჩვენ არ შეგვიძლია დავთქვათ კონკრეტული დღე, თუ როდის დაბრუნდება ის მოედანზე” – განაცხადა ფეხბურთელის აგენტმა, დავიდ ბენდიტელიმ. ”ექიმები ამბობენ, რომ მისი სხეული ყოველ დღე უკეთ გრძნობს თავს, თავად ერიკი კი კარგ განწყობაზეა” – დაასრულა აგენტმა.


