შევადგინოთ ყველა დროის სიმბოლური – საუკეთესი მარცხენა მცველი

    მაშ ასე, “ბარსას” ყველა დროის საუკეთესო მეკარე უკვე შევარჩიეთ და ეს არის ვიქტორ ვალდესი! გილოცავ ვიქტორ. სადაც არ უნდა იყო. ახლა კი საუკეთესო მარცხენა მცველის გამოვლენის დრო დადგა. სხვათა შორის, მარჯვენა მცველისგან განსხვავებით, მარცხენა მცველის არჩევა გაცილებით რთულია. 

ჟორდი ალბა (2012-2023)

🔵 ტიტულები:

✔ 6x ლა ლიგა
✔ 5x კოპა დელ რეი
✔ 4x ესპანეთის სუპერ თასი
✔ 1x ჩემპიონთა ლიგა
✔ 1x უეფას სუპერ თასი
✔ 1x ფიფას საკლუბო ჩემპიონატი

“ბარსელონაში” ჩაატარა 459 მატჩი.
გაიტანა 27 გოლი.
შეასრულა 99 საგოლე გადაცემა. 

რა უნდა ითქვას ალბაზე? ლამასიელია. თუმცა, ბარსამ თავის დროზე გაუშვა, მერე “ვალენსიაში” დაიმკვიდრა თავი, ესპანეთის ნაკრებში მოხვდა, ევროპის ჩემპიონი გახდა და ასე დაუბრუნდა აღმზრდელ კლუბს. გამოირჩეოდა შეტევაში, გამოირჩეოდა სისწრაფით. თანაც ისე, რომ ერთ-ერთ ელ კლასიკოში ბეილიც კი დაკეტა. უარყოფითი კი კარიერის ბოლო წლებია, როცა მის შეცდომებს ცუდი შედეგები მოჰყვა. განსაკუთრებით “ენფილდზე”. 

დაუვიწყარი იყო მისი და ლიონელ მესის კომბინაციები. ზუსტად გრძნობდა როდის უნდა აჩქარებულიყო, მესი პასს ნამდვილად არ დაუგვიანებდა. 

ერიკ აბიდალი (2007-2013)

🔵 ტიტულები:

✔ 4x ლა ლიგა 
✔ 2x კოპა დელ რეი 
✔ 3x ესპანეთის სუპერ თასი 
✔ 2x ჩემპიონთა ლიგა 
✔ 2x უეფას სუპერ თასი 
✔ 2x ფიფას საკლუბო ჩემპიონატი

ბარსაში ჩაატარა 193 მატჩი
შეაგდო ორი გოლი (ერთი “რეალთან) 
შეასრულა 10 საგოლე გადაცემა

აბიდალი ძალიან საიმედო მცველი იყო, ფიზიკურად და მენტალურად ძლიერი. მეტოქე კი არა სიმსივნე დაამარცხა. მასთან კლუბის ერთ-ერთი ყველაზე ემოციური მომენტი ასოცირდება. მას შემდეგ რაც სნეულება დაამარცხა მოედანს დაუბრუნდა და პუიოლის ნებით ჩემპიონთა ლიგის თასი აღმართა. მარცხენა ფლანგზე ყველას უპირატესობას უქმნიდა, ჯერ რონალდინიოს, მერე ანრის, პედრის და დავიდ ვილიასაც. არ ყოფილა შემტევი, რომელიც აბიდალს ვერ უგებდა. 

ალბას მოსვლის მერე მოედნის ცენტრში გადაინაცვლა და არც იქ შეურცხვენია თავი. 

ვან ბრონხოშტი (2003-2007) 

🔵 ტიტულები:

✔ 2x ლა ლიგა 
✔ 2x ესპანეთის სუპერ თასი 
✔ 1x ჩემპიონთა ლიგა 

ბარსაში ჩაატარა 154 მატჩი
შეაგდო 7 გოლი 
შეასრულა 18 საგოლე გადაცემა

ზურგზე ეწერა ჯიო. ჩვენც ასე მოვიხსენიოთ. სანამ ის მოვიდოდა გუნდში ბარსას ძალიან მძიმე პრობლემები ჰქონდა დაცვაში, მათ შორის, მარცხენა ფლანგზე. ბოლოს სორინი სცადეს, მაგრამ სწრაფად დატოვა კლუბი, მანამდე რაითსიგერი წვალობდა. მოკლედ, ვერა და ვერ მოაგვარეს პრობლემა, მერე კიდევ მოვიდა ეს ნიდერლანდელი და ყველაფერი დალაგდა. ჯიო შემტევებს მარტო უმკლავდებოდა, რადგან რონალდინიო არასდროს ეხმარებოდა. სასარეგბლო იყო შეტევაშიც. ასეთი სტაბილური მარცხენა მცველი მართლაც იშვიათია.

სერჟი ბარჟუანი (1992-2002) 

🔵 ტიტულები:

✔ 3x ლა ლიგა 
✔ 2x კოპა დელ რეი 
✔ 2x ესპანეთის სუპერ თასი 
✔ 1x თასების თასი

ბარსაში ჩაატარა 382 მატჩი
შეაგდო 11 გოლი 
შეასრულა 27 საგოლე გადაცემა

სერჟიმ (ან, სერხიმ) ათი წელი ითამაშა “ბარსელონაში”. ნამდვილი ბარსელონელია. მისი ცხოვრება გადაჯაჭვულია ამ კლუბთან. თუმცა, მხოლოდ კატალონიელობის გამო არ უყვარდათ, რეალურად კარგი ფეხბურთელი იყო, სხვადასხვა გამოცემების მიხედვით საუკეთესო კი ბარსას ისტორიაში. სწრაფი და ტექნიკური ფეხბურთელი იყო, კრუიფი ლატერალად იყენებდა, დანარჩენები განაპირა მცველად. ლამაზი გოლებიც შეუგდია და კარგი პასებიც გაუკეთებია. 

აბა, თქვენთვის მომინდვია არჩევანი. ხმის მიცემა გაგრძელდება 24 საათის განმავლობაში. ლაიქები არ ითვლება, მხოლოდ კომენტარები.