France Football-ის ინფორმაციით, მადრიდის “რეალის” თავკაცი, ჟოზე მოურინიო ყველაზე მაღალანაზღაურებადი მწვრთნელია მსოფლიოში.
პორტუგალიელი სპეციალისტის წლიური ანაზღაურება 14,8 მილიონ ევროს შეადგენს. საინტერესოა, რომ ყველაზე მაღალანაზღაურებად მწვრთნელების ათეულში მოხვდნენ “ანჟის” მთავარი მწვრთნელი, გუს ჰიდინკი და რუსეთის ეროვნული ნაკრების თავკაცი, დიკ ადვოკატი. ჰოლანდიელები წელიწადში შესაბამისად 8,6 და 7 მილიონ ევროს გამოიმუშავებენ.
კატალონიის “ბარსელონას” თავკაცი, პეპ გუარდიოლა ყოველწლიურად ხელფასის სახით 9,5 მილიონ ევროს იღებს. ყველაზე მაღალანაზღაურებად მწვრთნელთა ათეული კი ასე გამოიყურება:
1. ჟოზე მოურინიო (“რეალი”) – 14,8 მილიონი ევრო
2. კარლო ანჩელოტი (“პსჟ”) – 13,5 მილიონი ევრო
3. პეპ გუარდიოლა (“ბარსელონა”) – 9,5 მილიონი ევრო
4. არსენ ვენგერი (“არსენალი”) – 9 მილიონი ევრო
5. გუს ჰიდინკი (“ანჟი”) – 8,6 მილიონი ევრო
6. ფაბიო კაპელო (ინგლისი ნაკრების ყოფილი თავკაცი) – 8,5 მილიონი ევრო
7. ალექს ფერგიუსონი (“მანჩესტერ იუნაიტედი”) – 8 მილიონი ევრო
8. დიკ ადვოკატი (რუსეთის ნაკრები) – 7 მილიონი ევრო
9. ხოსე ანტონიო კამაჩო (ჩინეთის ნაკრები) – 6 მილიონი ევრო
10. რობერტო მანჩინი (“მანჩესტერ სიტი”) – 5,9 მილიონი ევრო
