ბარსელონა ლა ლიგაში გალიდერდა!

ბარსელონამ ლა ლიგის 24-ე ტურში რაიო ვალიეკანო 1-0 დაამარცხა და ჩემპიონატში გალიდერდა.

მონჟუიკზე ერთადერთი გოლი, 28-ე წუთზე, რობერტ ლევანდოვსკიმ პენალტით გაიტანა და თავის გუნდს მოაგებინა. შედეგად, ბარსას 51 ქულა აქვს და მესამედან პირველ ადგილზე გადაინაცვლა.

ამდენივე (51) ქულა აქვს რეალ მადრიდსაც, მაგრამ ჰანსი ფლიკის გუნდი კონკურენტს ბურთების უკეთესი შეფარდებით სჯობნის. მესამეადგილოსანი ატლეტიკოს აქტივში კი 50 ქულაა. ამ ტურში “ლოს ბლანკოსმა” (ოსასუნასთან) და “როხიბლანკომ” (სელტასთან) ქულები დაკარგეს, რაც “ლურჯ-ბროწეულისფერებმა” კარგად გამოიყენეს.

“ბლაუგრანა” მომდევნო ტურში, 22 თებერვალს, გასვლაზე ლას პალმასს დაუპირისპირდება.