ლიონელ მესი და მისი არგენტინა კოპა ამერიკის ფინალში არიან!
ნახევარფინალში არგენტინამ ბეწვის ხიდზე გაიარა – კოლუმბიასთან თამაში ძალიან კარგად დაიწყო, მაგრამ საქმე მაინც თერთმეტმეტრიანების სერიამდე მივიდა.
შეხვედრის საწყის წუთებში ლეო მესიმ 2 გოლი შექმნა, მაგრამ მხოლოდ ერთი გავიდა. მესის ძალიან კარგ თამაშს ჯერ ნიკო გონსალესის არაზუსტი დარტყმა მოჰყვა, შემდეგ კი ლეოს გარჯა ლაუტარო მარტინესმა დაუფასა, რომელმაც ანგარიში გახსნა.
კოლუმბიამ 61-ე წუთზე გაათანაბრა და მიუხედავად იმისა, რომ არგენტინელებს დარჩენილ ნახევარ საათში გოლის გატანის ძალიან კარგი შანსი ჰქონდათ, საქმე თერთმეტმეტრიანების სერიამდე მივიდა.
მესიმ თავისი პენალტი უნაკლოდ შეასრულა, მაგრამ გმირად მაინც არგენტინელთა მეკარე ემილიანო მარტინესი იქცა, რომელმაც 3 დარტყმა მოიგერია.
მესიმ, რა თქმა უნდა, სრულად ითამაშა, სერხიო აგუერო კი სათადარიგო იყო.
არგენტინას ფინალში ბრაზილია ელოდებოდა. “სუპერკლასიკო” 11 ივლისს, დილის 4 საათზე გაიმართება.
ბრავო მეკარე, ბრავო მესი, ბრავო მარტინესი, ბრავო არგენტინა
აბა რააა ემილიანოოო ❤️❤️
მესისთვის…😘
ყოჩაღ მეკარეს და წარმატებები არგენტინას <3 <3
გილოცავთ მესის ფანებო დაე შაბათს მესის პირველი ტიტულის გამარჯვება გეზეიმოთ.