“ბარსელონასა” და “ეიბარის” მატჩს ალბეროლა როხასი განსჯის

29 დეკემბერს, ლა ლიგის მე-16 ტურის მატჩში, “ბარსელონა” “ეიბარს” უმასპინძლებს. შეხვედრას ალბეროლა როხასი გაუძღვება.

29 წლის არბიტრი ესპანეთის უმაღლეს ჩემპიონატში მეოთხე სეზონს ატარებს. აქამდე, მას, “ბარსელონას” მონაწილეობით 4 შეხვედრაში უმსაჯია (3 ლა ლიგა, 1 კოპა დელ რეი), საიდანაც სამი კატალონიელთა გამარჯვებით დასრულდა, ერთი კი – ფრედ. ბოლოს, ეს გასულ სეზონში, “სოსიედადთან” სტუმრად გამართულ შეხვედრაში (2-2) მოხდა.

რაც შეეხება “ეიბარს”, თუ “ბარსას” როხასის მიერ ნამსაჯი არცერთი მატჩი არ აქვს წაგებული, ბასკურის კლუბის შემთხვევაში, საქმე პირიქითაა – 8 მატჩი, 2 ფრე და 6 მარცხი.

“კამპ ნოუზე” თამაში, სამშაბათს, თბილისის დროით 22:15 საათზე, დაიწყება.