ლა ლიგის პრეზიდენტი მესის “ბარსადან” წასვლაზე: ამაზე არ ვღელავ

ლა ლიგის პრეზიდენტი ხავიერ ტებასი “ბარსელონადან” ლიონელ მესის შესაძლო წასვლაზე საუბრობს.

როდესაც ესპანეთის ჩემპიონატი კრიშტიანუ რონალდუმ დატოვა, ტებასმა განაცხადა, რომ ეს დიდი პრობლემა არ იყო, რადგან მესი ლა ლიგაში რჩებოდა. ახლა, პრეზიდენტი განსაკუთრებულ პრობლემას ვერც ლეოს წასვლაში ხედავს.

“მესი და კრიშტიანუ ერთად რომ წასულიყვნენ, ვიდარდებდი, მაგრამ ერთი ფეხბურთელის წასვლა ვერ გვავნებს.

ლა ლიგის სატელევიზიო უფლებები მომდევნო 4 წლით უკვე გაყიდული გაქვს და მესის წასვლა ამას დიდად ვერ შეცვლიდა. არცერთი ქვეყნიდან არ დაურეკავთ და უთქვამთ, რომ ხელშეკრულების გაწყვეტა სურთ.

მესის “ბარსელონაში” დარჩენა კარგია, მაგრამ წლებია ვემზადებით და მნიშვნელოვანი ფეხბურთელის წასვლა ტრავმული არ იქნება.” – ციტირებს ტებასის სიტყვებს La Gazzetta dello Sport.

ლიონელ მესის “ბარსელონადან” წასვლა აგვისტოში ჰქონდა გადაწყვეტილი და იმ დროს ლა ლიგამ, ლეოს საწინააღმდეგოდ, “ბარსას” მხარე დაიჭირა. ჯერჯერობით უცნობია, დარჩება თუ არა ის გუნდში მიმდინარე სეზონის შემდეგ.