კიკე სეტიენი “ბაიერნთან” მატჩის წინ

კატალონიის “ბარსელონას” მთავარი მწვრთნელი, კიკე სეტიენი “ბაიერნთან” დაპირისპირებამდე, პრესკონფერენციას მართავს:

“ჩვენს შესაძლებლობებში დარწმუნებულნი ვართ. ვფიქრობ, რომ თანაბარი თამაში იქნება. “ბაიერნი” ექსტრაორდინალური გუნდია, მაგრამ ჩვენ სათქმელი ბევრი გვაქვს.

“ატალანტა” პსჟ-ზე ნაკლებად ნიჭიერი გუნდია, რამაც ამ გუნდებს შორის საბოლოო ანგარიში განაპირობა.

“ბაიერნის” ნიჭისა და სრულყოფილების შესახებ ვიცით, რაც ბურთის ფლობისათვის უმნიშვნელოვანესია. თუმცა, გვაქვს შესაძლებლობა, რომ ზეწოლა დავძლიოთ. გერმანელებმა იციან, რომ თუ წინააღმდეგობას გავუწევთ, დიდად ვაზარალებთ. შეხვედრის ბედი ორივე გუნდის შეტევასა და თავდაცვაზე იქნება დამოკიდებული.

4 ნახევარმცველით თამაში? ბევრი ვარიანტი განვიხილეთ. მათგან, ყველაზე უკეთესი ის იქნება, რაც ბურთის დაჭერისა და ზიანის მიყენების საშუალებას მოგცვემს.

ლისაბონში კარგად დავბინავდით. “ნაპოლის” დამარცხების შემდეგ, ამ დღეს ველოდებით. მატჩისათვის კარგად მოვემზადეთ. კმაყოფილები ვართ, რომ დემბელე განაცხადშია. ის რამდენიმე წუთის სათამაშოდ მზად არის, თუ დაგვჭირდება.

გერმანელთა პროვოკაციული განცხადებები? ერთია, ჟურნალისტებთან ისაუბრო და მეორე – მოედანზე რა მოხდება.

მესის დახმარებით ყველაფრის გაკეთებაა შესაძლებელი, თუმცა მთლიანი გუნდის ძალების ყოველთვის მჯეროდა.

რობერტ ლევანდოვსკი დიდებული მოთამაშეა, თუმცა ის ლეოს დონეზე ვერ არის. ვფიქრობ, ეს ყველასათვის თვალნათელია”.