ოფიციალურად: ნელსონ სემედუ 5 კვირას გამოტოვებს

ლა ლიგის მე-13 ტურში “ბარსელონამ” “სელტასთან” ქულები არა, მაგრამ მნიშვნელოვანი ფეხბურთელი დაკარგა.

მატჩის 23-ე წუთზე, პორტუგალიელმა მარჯვენა მცველმა, რომელიც პერიოდულად მარცხნივაც თამაშობს, ტრავმა მიიღო და ერნესტო ვალვერდე იძულებული გახდა ის შეეცვალა.

რამდენიმე წუთის წინ ოფიციალურად დადასტურდა, რომ 25 წლის ფეხბურთელს მარცხენა ფეხის კუნთის ტრავმა აქვს, რის გამოც მას დაახლოებით 5 კვირა გაუცდება.

პორტუგალიელი ფეხბურთელი “ლეგანესთან”, “დორტმუნდთან”, “ატლეტიკოსთან”, “მალიორკასთან”, “ინტერთან” და სავარაუდოდ “სოსიედადთან” გასამართ თამაშებს გამოტოვებს. ივარაუდება, რომ ის გუნდს “ელ კლასიკოს” წინ დაუბრუნდება.

ამ თამაშების უმრავლესობას გამოტოვებს ჟორდი ალბაც, რომელსაც სემედუ ცვლიდა ხოლმე. ეს ნიშნავს, რომ ერნესტო ვალვერდეს განკარგულებაში, დაცვის მარჯვენა ფლანგზე სერჟი რობერტო და მუსა ვაგე, ხოლო მარცხნივ ჟუნიორ ფირპო დარჩნენ.