“ვალენსია” რაფინიას შეძენას აღარ აპირებს

“ვალენსია” “ბარსელონას” ბრაზილიელი ნახევარმცველის, რაფინია ალკანტარას შეძენას აღარ აპირებს, იტყობინება Sport.

წყაროს ცნობით, კლუბის პრეზიდენტმა საბოლოოდ თქვა უარი რაფინიას შეძენაზე.

როცა “ღამურების” მთავარ მწვრთნელს რაფინიაზე ჰკითხეს, მან უპასუხა: “ჩვენ კიდევ სამი ფეხბურთელი გვჭირდება – ცენტრალური მცველი, მარცხენა მცველი და შემტევი.” ამიტომ, სავარაუდოდ, რაფინიას “ვალენსიაში” ვერ ვიხილავთ.

შეგახსენებთ, რომ ბრაზილიელ ნახევარმცველს კონტრაქტი შემდეგ წელს ეწურება, ამიტომ “ბარსელონას” სურს, ის მიმდინარე სატრანსფერო ფანჯრის დროს გაყიდოს.