განაცხადი ცნობილია

როგორც მოგეხსენებათ, კატალონიის “ბარსელონა” “სამეფო თასის” დებიუტისთვის ემზადება. დღეს “ბარსას” ფეხბურთელებმა კიდევ ერთი ვარჯიში გამართეს…

პინტო, პუიოლი, აბიდალი, მაქსველი, ადრიანო, მაშერანო, კეიტა, ბოიანი, ხეფრენი, პედრო, მინიო, ბარტრა, ტიაგო, ფონტასი, დოს სანტოსი და ნოლიტო – ეს იმ ფეხბურთელთა ჩამონათვალია, რომლებსაც სამშაბათს, “სამეფო თასის” პირველ მატჩში მონაწილეობის შანსი ექნებათ. ალბათ შეამჩნევდით, რომ 10 ფეხბურთელი პირველი გუნდიდანაა გამოძახებული, ხოლო 6 “ბარსა ბ”–დან. გვარდიოლამ ვალდესს, ალვეშს, პიკეს, ბუსკეტს, ინისეტას, მესისა და ვილიას დასვენების უფლება მისცა.

დასვენებაზე უარი თქვა გუნდის პირველმა ნომერმა, ვიქტორ ვალდესმა, რომელმაც გუშინდელის მსგავსად, დღესაც ივარჯიშა. ჩავი და მილიტო კი აღდგენით სამუშაობეს ისევ აგრძელებენ.