მატჩისშემდგომი მიმოხილვა: ლამინე ისევ ბრწყინავს

   ჰანსი ფლიკის “ბარსა” ფინალშია, კიდევ ერთი ნაბიჯი და პირველი ტიტულიც შემოიდება თაროზე, ის ერთი მატჩი კიდევ ყველაზე რთული მოსაგებია და ხანდახან მთელ სეზონსაც გადაწონის. იანვარში გადმოტანილ სუპერ თასს კიდევ სულ სხვა ეფექტი აქვს, თუ ტიტულს იგებ ამ დადებითი მუხტით აგრძელებ დარჩენილი სეზონის თამაშს, თუ აგებ დიდად ვერა ხარ ხასიათზე და სხვა პრობლემებიც წამოყოფს ხოლმე თავს. ასე რომ, ამ ერთ თამაშს, (გარდა იმისა რომ კლასიკოა და კლასიკო ყოველთვის უმთავრესი მოვლენაა), ძალიან დიდი მნიშვნელობა აქვს. 

ფეხბურთელები ორივე გუნდს აკლდა, ვალვერდემ პირველ ტაიმში ნიკო უილიამსი მოისაკლსია, რომელსაც მცირე დაზიანება ჰქონდა, მეორეში გამოვიდა, თუმცა, ბევრი ვერაფერი გააწყო. “ბარსამ” კი ოლმოსა და ვიქტორის დარეგისტრირება ვერ მოასწრო, ამავე დღეს მიიღო თანხომა და წესით ფინალში უნდა მოხვდნენ კიდეც განაცხადში, თუმცა, სასტარტოში ნამდვილად არ ველოდები, ჯერ ერთი იმიტომ, რომ გამარჯვებული გუნდის შეცვლა ნაკლებსავარაუდოა, მეორე იმიტომ, რომ ძალიან დიდი სტრესი მიიღეს, მენტალური გადაღლა და გამოფიტვა კი ხშირად ფიზიკურზე მძიმე კვალს ტოვებს. 

არაუხო სკამზე 

ჯერ ახლა დაბრუნდა კაპიტანი, მაგრამ ხმები დადის უკვე ასე თუ გაგრძელდა გუნდიდან წავაო, არაუხო ის ფეხბურთელი არ არის სკამზე დასმას შეეგუოს, ფლიკი არ ჩქარობს, პრესა კიდევ აჩქარებს, ეს ნწეხია, რომელსაც უნდა გაუძლოს. ისე კიდევ რთულია რომელიმე ცენტრალური მცველი სკამზე გადასვა, კუბარსი ტექნიკური თვალსაზრისით ყველა მცველზე მაღლა დგას, არავის ამოაქვს ბურთი მის მსგავსად, ბრძოლისუნარიანობა კი არც ინიგოს დაეწუნება, კარგი დუეტია, კარგი ბალანსი აქვთ, არაუხო იდეაში ინიგოს შემცვლელი უნდა იყოს, მაგრამ კუბარსის პოზიციაზე (მარჯვენა ცენტრალურ მცველად) უფრო ურჩევნია თამაში. ასე რომ, აქაც დიდი კონკურენცია იქნება. 

სკამზე დარჩა ფრენკი დე იონგი, რომელიც მეორე ტაიმში გამივიდა და გოლის გატანის კარგი შანსიც ჰქონდა, მეტოქის მცველმა ცარიელი კარიდან გამოიტანა ბურთი. ეს ალბათ ის სეზონი იქნება სადაც საბოლოოდ ჩამოყალიბდება ყველა რომ დე იონგს შეუძლია წავიდეს, ის იმედები ვერ გაამართლა, მიუხედავად კარგი მატჩებისა, ბუსკეტსი ნამდვილად ვერ შეცვალა, ვერც რაკიტიჩი შეცვალა. ვერც თავისი სიტყვა თქვა, გამორჩეული, განსაკუთრებული, სხვა რაღა დარჩა არ ვიცი. ფლიკის მხრიდან ნდობაც მცირე აქვს, მაგრამ თამაშის გადაწყობა როცა სჭირდება ამ დროს დე იონგი ყოველთვის კარგი ვარიანტია. 

კარში შესნი იდგა, ორი კარგი ბურთიც მოიგერია და ფინალშიც დიდი ალბათობით სწორედ მას ვიხილავთ. 

უამრავი გაფუჭებული მომენტი 

“ბარსამ” კარგად დაიწყო, მომენტებიც მალევე შექმნა, მაგრამ უმეტესობა ქარს გაატანა, განსაკუთრებით ცუდი იყო დამაგვირგვინებელ ფაზაში რაფინია, ის იღბალი რაც პირველ წრეში თან სდევდა თითქოს გაქრა, ამ იღბალის გარეშე კიდევ ისევ უკლასო ფეხბურთელის შთაბეჭდილებას ტოვებს, ისე კი ამჯერადაც ბოლომდე დაიხარჯა, რასაც ვერ დაუწუნებ ეგ არის, ბოლომდე თამაშობს, ბოლომდე იბრძვის და გამარჯვებულის მენტალიტეტი აქვს. 

მოედნის ცენტრში ძველებურად დაალაგეს საქმე გავიმ და პედრიმ, პირველი გოლი სწორედ გავიმ შეაგდო კარგი კომბინაციის შედეგად. “ბილბაო” ცენტრამდე ამოწეული დაცვით თამაშობდა, ხშირად იქმნებოდა “ღია ბურთის” მოცემულობა, თუმცა, უნაი სიმონი ძალიან კარგად აზღვევდა თავის მცველებს, ყველა ასეთ ბურთზე, რომელიც მისი მცველების ზურგსუკან აღმოჩნდა პირველმა ითამაშა. ამას აუცილებლად დააკვირდებოდა კარლო ანჩელოტი და დიდი შანსია რომ იგივე სურათიც ვიხილოთ. (ჯერ გავიდეს “რეალი). 

“ბარსას” სადავეები ბოლომდე არ გაუშვია ხელიდან. მეორე გოლი კი ცალკე აღნიშვნის ღირსია. 

ლამინე ისევ გვაოცებს 

პასი იქნება, პირველი შეხება, კაცის მოტყუება თუ დამაგვირგვინებელი ფაზა, ყველაფერში ძალიან დიდი პროგრესი აქვს, თავდაპირველად როცა გამოჩნდა ერთადერთი რაც გამოკვეთილად ჩანდა იყო სწრაფი აზროვნება, თანაც, დემბელესთან მიმართებით ეს ძალიან კარგად გამოჩნდა, სულ სწორ გადაწყვეტილებებს იღებდა, თანდათანობით კი მისი მონაცემებიც ადაპტირდა დიდ ფეხბურთთან. ახლა ვარსკვლავია. ყველაზე ახალგაზრდა ვარსკვლავი თანამედროვე ფეხბურთში. 

ძალიან ლამაზი გოლი შეაგდო, გავის პასის მერე ზურგითმყოფი იდეალურად დატრიალდა, მუხლის სიმაღლეზე გაკეთებული პასი გემრიელად შეიგდო საჯარიმოში და ზუსტი დარტყმით წერტილი დასვა – 2:0. 

ყველამ ნახა ეს გოლი, მათ შორის მადრიდელებმაც, კარლო ეცდება ლამინეს რამე მოუფიქროს. მადრიდელებს კი უკვე დღეს დავაკვირდებით “მალიორკასთან” შეხვედრაში. ახლა “რეალი” გაცილებით საშიშია, ვიდრე სეზონის პირველ ნახევარში იყო.