კატალონიის “ბარსელონას” ბრაზილიელი მარცხენა მცველის ანდრადე მაქსველის აგენტმა, მინო რაიოლამ ისაუბრა ბოლო დროს გავრცელებული ჭორების შესახებ, რომლის თანახმადაც მაქსველის შეძენა იტალიურ “მილანს” სურს:
“მაქსველის მომავალს ძალიან ბევრ კლუბთან აკავშირებენ. ჩემი აზრით ძალიან რთული იქნება “მილანთან” მოლაპარაკებების წარმატებით დასრულება. მათ მარცხენა მცველის პოზიციაზე ორი ფეხბურთელი ჰყავთ და გალიანი ფულს ტყუილად არ გადაიხდის. თუმცა უნდა აღინიშნოს, რომ მაქსველი არ არის ძვირადღირებული ფეხბურთელი. ყველაფერს დაწვრილებით 4 იანვარს ვიტყვი, როდესაც დავუბრუნდები ჩემს სამსახურს,” განაცხადა მინო რაიოლამ.
