დღეს ჩემპიონთა ლიგაზე “ინტერისა” და “ბარსელონას” დაპირისპირება შედგება. კატალონიური კლუბის ოფიციალურმა ვებგვერდმა შეხვედრის წინ ის ფეხბურთელები გაიხსენა, რომლებსაც ორივე გუნდში უთამაშიათ. ასეთი სულ თვრამეტია.
სულ 2 ფეხბურთელია, რომლებიც “ინტერიდან” პირდაპირ “ბარსელონაში” გადმოვიდნენ. ორივე ეს ტრანსფერი ერთდროულად შედგა. 2009 წელს “ბლაუგრანამ” “ნერაძურიდან” შვედი თავდამსხმელი ზლატან იბრაჰიმოვიჩი და ბრაზილიელი მარცხენა მცველი მაქსველი დაიმატა. იბრამ გუნდი ერთი წლის შემდეგ დატოვა, მაქსველი კი “ბარსაში” 3 წლის განმავლობაში თამაშობდა.
უკუმიმართულებით, ანუ “ბარსელონადან” “ინტერში” 8 ფეხბურთელი წასულა. პირველი იყო ესპანელი ლუის სუარესი, რომელიც “ბარსელონაში” 6 წლის გატარების შემდეგ “ინტერს” 1961 წელს შეუერთდა. შემდეგ იყო ალბათ უდიდესი ფეხბურთელი, რომელსაც ამ ორ გუნდში უთამაშია – “ბარსელონაში” ერთწლიანი გაბრწყინების შემდეგ ხელმძღვანელობასთან კონფლიქტის გამო “ინტერს” ბრაზილიელმა რონალდომ მიაშურა. მათ ფრანჩესკო კოკო, ედგარ დავიდსი, სამუელ ეტო’ო, მარტინ მონტოია, რაფინია ალკანტარა და არტურო ვიდალი მიჰყვნენ.
კიდევ 9 ფეხბურთელია, რომლებსაც “ბარსელონაშიც” უთამაშიათ და “ინტერშიც”, თუმცა ამ გუნდებს შორის პირდაპირი ტრანსფერი არ შემდგარა: ლორან ბლანი, ექტორ სკარონე, ნიკოლაე სიმატოცი (იგივე მიკლოშ სეგედი), ლუიშ ფიგუ, რიკარდო კუარეშმა, ტიაგუ მოტა, ალექსის სანჩესი, ფილიპე კოუტინიო.
ეტოოს იბრაჰიმოვიჩში გაცვლა გვარდიოლას შეცდომა იყო
ხო ეხლა ზოგიერთი ახალგაზრდა იყოს მაგრა გამოგვადგებოდა.