ბარსელონა-აინტრახტი – ჰანსი ფლიკის მატჩისწინა პრესკონფერენცია

“აინტრახტი” კარგი, ახალგაზრდა, სწრაფი და ინტენსიური გუნდია. ჩვენი საუკეთესო დონე უნდა ვაჩვენოთ. რთული მატჩი იქნება, რადგან მათ შეუძლიათ, დაგვაზიანონ, მიუხედავად იმისა, რომ ბოლო თამაშებში კარგად არ გამოიყურებოდნენ.

ყოველთვის გვინდა გაუმჯობესება და ამისათვის ვვარჯიშობთ. ვფიქრობ, კიდევ დიდი პოტენციალი გვაქვს.

კარგია, როდესაც შრომისმოყვარე ფეხბურთელები გყავს. მარტინი ყოველთვის ცდილობს, გუნდისთვის მაქსიმუმი გააკეთოს. ჟერარის დამოკიდებულება, მენტალიტეტი… მისნაირი მოთამაშე დაცვის ცენტრში ძალიან გვეხმარება.

“რეალ მადრიდის” გუშინდელი წაგება? ამაზე საუბარი არ გვინდა, რადგან ლა ლიგაში ჯერ კიდევ გრძელი გზაა გასავლელი. თითოეულ მატჩში მაქსიმალურად უნდა დაიხარჯო… მნიშვნელოვანი ახლა “აინტრახტზე” ფოკუსირებაა.

გასულ 3 თვეში არაერთი ტრავმირებული გვყავდა და ბოლო კვირებში ბევრი ფეხბურთელის სათამაშო დროის დალაგება მოგვიწია. მათთვის მუდმივად უმაღლეს დონეზე თამაში იოლი ნამდვილად არაა.

ტერ შტეგენი ხვალ თამაშის ნებართვას მიიღებს. მისი დაბრუნება მიხარია.

პირველი მეკარე კვლავ ჟოან გარსია იქნება. ეს აშკარაა.

კუბარსი მხოლოდ 18 წლისაა და ზოგჯერ ეს გვავიწყდება. “ბეტისთან” მან 87 პასი 100%-იანი სიზუსტით შეასრულა. ვფიქრობ, ეს ლა ლიგაში რეკორდია.

“სპოტიფაი კამპ ნოუზე” დაბრუნება ყველა ჩვენგანის ოცნება იყო. ეს ასევე მნიშვნელოვანი იქნება ჩემპიონთა ლიგაზე. ხვალ დიდი დღეა და გვსურს, უმაღლესი დონე ვაჩვენოთ.

თამაშის კონტროლი ძალიან მნიშვნელოვანია. როდესაც ბურთს კარგავ, დაცვაში სწრაფად უნდა ჩახვიდე. თუ თავდაჯერებულები ვართ და გვჯერა, რომ კომპაქტურად ვმოქმედებთ, როგორც მატჩის, ასევე ბურთის კონტროლი შეგვიძლია.