ბარსელონას დრო ეწურება

“ბარსელონას” სატრანსფერო ფანჯარა კრიტიკულ ფაზაშია – კლუბის ფინანსური შესაძლებლობები მნიშვნელოვნად დამოკიდებულია 475 VIP ადგილის 30-წლიან იჯარაზე, რომლის €100 მილიონის ოდენობით შემოსავალიც ლა ლიგის სახელფასო ზღვარში უნდა აისახოს, თუმცა პროცესს სერიოზული საფრთხე შეექმნა, როცა აუდიტორულმა კომპანიამ Crowe აპრილში ეს გარიგება ბუღალტრული ბალანსიდან ამოიღო, რადგან ადგილები ჯერ არ არსებობდა ფიზიკურად და იჯარა ჯერ მოქმედებაში არ იყო შესული.

“ბარსელონას” არგუმენტები და ბიუროკრატიული სირთულეები

კლუბმა მიაწოდა კომპანიას Limak-ის მიერ მიწოდებული მიწოდების აქტები, როგორც მტკიცებულება იმისა, რომ VIP ადგილების განთავსება დაწყებულია, თუმცა ეს საკმარისი არ აღმოჩნდა Crowe-სთვის. კლუბის იმედი ახლა გადატანილია ლა ლიგასა და ბარსელონას მერიის მიერ ლიცენზიის გაცემაზე, რაც უნდა მოხდეს ივლისის შუა რიცხვებში, რათა გარიგება ძალაში შევიდეს და €100 მილიონი კვლავ გაითვალისწინონ სახელფასო ლიმიტში.

“კამპ ნოუზე” დაბრუნება და გამპერის თასის მატჩი გადამწყვეტია

კატალონიელები იმედოვნებენ, რომ 10 აგვისტოს “გამპერის თასის” მატჩით დაბრუნდებიან “კამპ ნოუზე”, რომელიც 2023 წლიდან რემონტს გადის. თავდაპირველი გეგმა იყო 60,000 მაყურებლის დასწრება, თუმცა ახლა კლუბი მინიმუმ 25,000 ფანის დასწრებითაც კმაყოფილი იქნება – მთავარი გამოწვევა უსაფრთხოების ლიცენზიის მოპოვებაა. თუ კლუბმა ვერ მოახერხა სტადიონის ლიცენზირება და გამპერის თასის მატჩის გამართვა, მაშინ ჯაჭვური რეაქციით დაკარგავს €100 მილიონის დაკანონების შანსს და გადაცდება სახელფასო ლიმიტს.

რა იქნება შემდეგ?

თუ ეს სცენარი დადასტურდა:

• “ბარსა” შეძლებს მხოლოდ შემოსავლის ან დანაზოგის 60%-ის გამოყენებასტრანსფერებისთვის;

• ახალი მოთამაშეების რეგისტრაცია, მათ შორის ლუის დიასი, გაჭირდება ან შეუძლებელი გახდება;

• მთავარ მიზნად დარჩება მხოლოდ ჟოან გარსიას რეგისტრაცია.